南豐餐廳

Open Now

Now Closed

星期日假期見好耐冇同朋友出黎打下波，於是約埋一齊落大坑東打波啦，因為附近食開d茶記都麻麻地，於是小弟提議不如去南山邨商場平台果邊試下。去到見到有間南豐好似好多人食，咁就梗係順應民意，入去一試！坐低環境都算舒適，早餐都好抵$32有五至六款俾你揀下，我呢d沙爹牛控當然二話不說，就order個沙爹牛肉麵B餐！佢跟餐個包係迷你菠蘿包，都幾新鮮又夠脆，平時多數茶記都係牛油方包或餐包，真係食到厭，所以個菠蘿包我絕對加分，然後個沙爹牛肉麵都到啦，沙爹汁好濃，但我覺得有少少偏鹹左，如果可以淡少少就一流，麵就著得岩岩好，又唔太林又唔太生，牛肉反而有驚喜，肉質不錯，幾有咬口又夠爽，所以小弟絕對推介，落石硤尾打波，呢間會成為飯堂首選！