Cafe Fabulous

Open Now

Now Closed

樓上café愈黎愈多，但係要搵到一間啱自己心水嘅就真係幾難。之前係openrice見到依間cafe，今日就約咗朋友一齊黎試下，估唔到竟然又平質素又非常高~芝士白汁火腿焗薯蓉($35)，一層焗得焦脆嘅芝士，鋪上滿滿嘅火腿，薯蓉又滑又香，食落後好creamy，但係又唔會好膩。法式拼盤($78)，有炸雞翼、吉列魚柳、吞拿魚同煙三文魚迷你三文治、法式馬卡龍。炸雞翼係用蜜糖黎煎，焦焦甜甜好惹味。吉列魚柳炸得非常軟熟，淡淡嘅魚柳味配上千島醬更加入味。迷你三文治嘅面包係烘烤過，而吞拿魚同煙三文魚非常足料，不過煙文魚就有少少咸。法式馬卡龍有3款味道，外脆內軟，唔會過份地甜。Tiramisu($28)，賣相一流，層層都係唔同嘅料，非常有口感，又好鬆軟，咖啡味唔算太濃。總括黎講，依度嘅野食相較其他café平得多，但係水準就不相伯仲，而且環境舒適，亦都有boardgames提供，係唔錯嘅聚腳點。