相馬日式火鍋 (Closed)

呢間喺火炭嘅火鍋任食店，係朋友食過介紹嘅。性價比真係好高，兩個鐘頭任食美國特選牛肩胛，平日加埋一都唔洗三百蚊！！平時坊間打邊爐有啲都唔只呢個價錢！而家仲頭有靚牛食！！嗰日去到真係瘋狂食牛食到飽。牛肩胛同牛肉真係兩個世界！口感同味道都嗰唔同層次(☻-☻)肉質真係超嫩滑，仲有少少入口即融嘅感覺，但係又唔會好肥，肉味仲要好香濃，真係唔係講笑！識食一定係食呢個部位嘅牛肉片，打邊爐真係一流！呢到嘅湯底都好多選擇，有十款咁多！揀左兩款最濃郁最惹味嘅湯底，兩款都係免費嘅！豬骨湯底好濃郁，豬骨味好清甜。而中華辣湯叫到個顏色同辣椒🌶️就知佢真係超夠辣！