i kitchen (Closed)

放假黎左觀塘買野，晏就上網見到附近有間價錢合理既西餐就入左黎，我地叫左兩個set lunch -前菜就一個南瓜湯一個田園沙律，南瓜湯好creamy好濃南瓜蓉，幾鐘意呢個湯。扒虎蝦龍蝦汁意大利飯 $88意大利飯味道香濃，同埋大大隻蝦好抵食，出面起碼一百蚊，仲要無咁大隻，鐘意食蝦既可以encore!香煎紐西蘭肉眼 $138牛扒幾有肉味同時唔會過熟，五成熟啱啱好，仲配一碗白飯，男士都夠飽。另外仲有甜品同餐飲，朱古力忌廉麻薯好煙韌，一口size份量啱啱好。