香田日式料理 (Closed)

今次2個人黎食晚餐，侍應介紹左個平靚正又抵食既套餐俾我地～拼盤套餐。拼盤套餐除左食品仲包左飲品！飲品方面有4款清酒🍶、梅酒、紅酒、白酒或者汽酒🍾，今次我地揀左清酒，侍應即刻拎左個盒過黎，原來入面有好多唔同款既清酒杯，簡直花多眼亂，揀番隻心水既清酒杯飲起黎都開心啲個餐有5種小食，包括：松露醬薯條🍟、可樂餅、枝豆、炸雞同埋炸雞軟骨，全部都超級送酒，食唔停口食完個拼盤，我地再叫左個壽喜燒🥘🥩，滿滿一大鍋菜，仲有最愛既燒豆腐，牛肉煮到半熟，沾上滑溜既蛋汁，入口即化，最後仲有吸滿湯汁精華既葛粉條作為華麗既結尾，有美食又有美酒，人生一大樂事