Video
Read full review
2008-10-05
7 views
呢間野開應該有廿年，我呢頭住都有廿年，但到今時今日先發現佢，真係遲！原來呢間野好掂，仲要平靚正，實在少有。三個人，叫了勁多野食，最後食唔晒要打包！醉雞湯底加象拔蚌$300醉雞有半隻，應該無一隻咁多，因為只得一隻脾同翼。酒味唔濃；但雞都幾嫩。象拔蚌鮮甜，只要淥一淥就食得；唔韌，爽口。超正！份量唔少，食極都仲有；抵！鮮三寶丸：有蝦丸、帶子丸同豬肉丸。蝦丸、帶子丸淋了少許，唔夠彈；豬肉丸好正，好彈牙，有肉味，無肥肉。之後再淨叫碟豬丸。鮮牛丸：又係好彈牙，好新鮮，有肉味。$22碟有成十幾粒，好抵！水餃就比較一般，皮薄，但蝦少肥肉多。$22一碟有好多隻，都抵食。黑柏葉：新鮮，薄身，淥一淥就食得，唔算韌。牛肉粒反而無預期咁好。較多根，韌；就算唔係烚好耐都會韌；油花均勻。皇帝菜都新鮮，不過我唔太鍾意佢種咁獨特味道。粟米超正！超甜超多汁，又無咩渣。豬骨唔抵食，因為無咩肉，淨係得軟骨同豬皮。唔太好食。因為我expect 會有好多肉。糯米飯：一碗$15，好經濟。炒得夠乾身，糯米飯也黏口；不過蝦米粒好硬；整體算不過不失。仲有渣竹蔗茅根，唔太甜又夠味。環境都幾好，唔會太嘈；服務員都幾有禮貌，又唔會
原來呢間野好掂，仲要平靚正，實在少有。
三個人，叫了勁多野食，最後食唔晒要打包！
醉雞湯底加象拔蚌$300
醉雞有半隻，應該無一隻咁多，因為只得一隻脾同翼。
酒味唔濃；但雞都幾嫩。
象拔蚌鮮甜，只要淥一淥就食得；
唔韌，爽口。超正！
份量唔少，食極都仲有；抵！
鮮三寶丸：
有蝦丸、帶子丸同豬肉丸。
蝦丸、帶子丸淋了少許，唔夠彈；
豬肉丸好正，好彈牙，有肉味，無肥肉。
之後再淨叫碟豬丸。
鮮牛丸：
又係好彈牙，好新鮮，有肉味。
$22碟有成十幾粒，好抵！
水餃就比較一般，皮薄，但蝦少肥肉多。
$22一碟有好多隻，都抵食。
黑柏葉：
新鮮，薄身，淥一淥就食得，唔算韌。
牛肉粒反而無預期咁好。
較多根，韌；就算唔係烚好耐都會韌；
油花均勻。
皇帝菜都新鮮，不過我唔太鍾意佢種咁獨特味道。
粟米超正！
超甜超多汁，又無咩渣。
豬骨唔抵食，因為無咩肉，淨係得軟骨同豬皮。
唔太好食。因為我expect 會有好多肉。
糯米飯：一碗$15，好經濟。
炒得夠乾身，糯米飯也黏口；
不過蝦米粒好硬；整體算不過不失。
仲有渣竹蔗茅根，唔太甜又夠味。
環境都幾好，唔會太嘈；
服務員都幾有禮貌，又唔會hard sell d 貴價野。
埋單$830，真係超平超抵食；食物又新鮮，一定會有無限個下次！
Post
