Video
Read full review
2019-06-09
85 views
前排有個同事食飯時講起天文臺道新喜嘅呢幢商業大廈有好多食肆，其中一間叫做花木日本料理，佢講到讚不絕口，所以我都心思思決定今晚黎試吓食晚飯。搭lift上到3樓，見到門面好似好高級咁，以木為主體嘅和風設計，優雅氣氛令到你入到黎都唔敢大聲講野，耳仔都覺得舒服左。咁既環境亦令我有啲擔心會唔會好貴，但一睇餐牌成個人鬆哂！估唔到呢度既食品價格都好相宜。揀咗一個沙律、天婦羅、炸雞，主席就揀咗一份特選壽司，再加多一客明太子燒飯團。最驚喜就係佢嘅飲品好抵，梳打都係28蚊杯，完全係良心價格，抵讚！而且仲要係大大杯，又有果肉，滿分💯落單冇幾耐就先黎沙津，最驚喜就係佢有好多隻大蝦，而且大蝦肉質非常爽脆，咬落去有「確」一聲！如果可以再冰鎮一下口感就會更好。沙津菜份量都幾多，2-4人食都啱。而且我鍾意佢沙津入面有無花果，除左青菜仲有多一種果香味。炸雞又係超超值之選！58蚊咁大份，而且佢都炸得剛好，雞肉都仲有肉汁！炸粉又唔會太厚。壽司拼盤同樣好有驚喜，由海膽到拖羅、牡丹蝦同埋帆立貝樣樣都新鮮，配上漬左既飯做壽司係比較少見既造法，但都好食啊！其實飯既份量可以再少啲，因為佢咁多舊份量真係唔少！個人就最鍾意隻牡丹蝦同帆立
搭lift上到3樓，見到門面好似好高級咁，以木為主體嘅和風設計，優雅氣氛令到你入到黎都唔敢大聲講野，耳仔都覺得舒服左。咁既環境亦令我有啲擔心會唔會好貴，但一睇餐牌成個人鬆哂！估唔到呢度既食品價格都好相宜。
揀咗一個沙律、天婦羅、炸雞，主席就揀咗一份特選壽司，再加多一客明太子燒飯團。最驚喜就係佢嘅飲品好抵，梳打都係28蚊杯，完全係良心價格，抵讚！而且仲要係大大杯，又有果肉，滿分💯
落單冇幾耐就先黎沙津，最驚喜就係佢有好多隻大蝦，而且大蝦肉質非常爽脆，咬落去有「確」一聲！如果可以再冰鎮一下口感就會更好。沙津菜份量都幾多，2-4人食都啱。而且我鍾意佢沙津入面有無花果，除左青菜仲有多一種果香味。
炸雞又係超超值之選！58蚊咁大份，而且佢都炸得剛好，雞肉都仲有肉汁！炸粉又唔會太厚。
壽司拼盤同樣好有驚喜，由海膽到拖羅、牡丹蝦同埋帆立貝樣樣都新鮮，配上漬左既飯做壽司係比較少見既造法，但都好食啊！其實飯既份量可以再少啲，因為佢咁多舊份量真係唔少！個人就最鍾意隻牡丹蝦同帆立貝，肉質鮮甜😋 個味噌湯都好香，海帶夠哂清甜。
呢個時候上埋道明太子燒飯團🍙我真係有啲後悔，因為真係眼闊肚窄，亦都冇諗過佢會咁抵食，一客飯團有三大舊！！！
不過佢製作都好認真，明太子係預先同飯撈好咗先再搓成飯團，然之後再燒，所以味道mix得好好！難得女友麻麻地食飯團佢都食哂一舊半，佢話個明太子好香，同平時食開嗰啲只會將一Pat明太子實係飯團中間嘅做法好唔同，好明顯呢個做法係心思細密好多，同埋口感好食好多。
天婦羅上埋既時候其實我地都飽左十成，真係叫多左😂😫😍但係隻炸蝦咁吸引又好難唔食！而且佢又有炸無花果啦！真係幾有新意，煮左既無花果其實口感真係唔錯。不過佢啲菜品真係大份，抵食又好食，性格比好高！
Post
