元気寿司 (遠東金融中心)

Open Now

Now Closed

元氣基本上好多人都食過，無需要寫D咩食評，但小編好鍾意元氣，所以循例都想比返個舔脷佢。諗返起細個香港都有幾間連鎖式嘅平價回轉壽司舖，以前元氣唔係特別出眾，有得揀都未必會食元氣。但係隨住年月過去，呢種平價回轉壽司舖已經執得8899，得元氣仲存在緊。大集團之後拎左元氣嘅經營權，近幾年仲不斷推廣元氣，食物質素亦都有所提升。宜家好多地方都有元氣食，好方便。元氣性價比高，壽司質素一D都唔差，魚同飯嘅比例亦都做得好。喺menu上叫得嘅野大部分都冇伏，而且都係好食嘅。小編最鍾意食辣味三文魚軍艦同大滿足嘅珍寶皇帝蟹柳，每次去都要嗌。鍾意食cream cheese嘅朋友會好鍾意食波士頓卷，放入口真係好滿足。