壹蒸鍋

好耐無食過放題，近呢幾年多左好多放題，尤其兆萬中心地面已經有好多人派傳單！根本唔知邊間好味啲~ 難得今日約左朋友喺旺角行街，佢話同事介紹佢呢間蒸海鮮好抵好正，咁我地就一於去試試先~其實價錢真係好抵，$229已經可以食剌身、蒸海鮮加粥底火鍋任食！而且食物種類都幾多~ 另外我地加左$60食埋龍蝦，真係好期待有驚喜！蒸前蒸後~ 海鮮種類都幾多，有龍蝦、魷魚、扇貝、鮑魚、大蜆、蠔、龍躉、聖子...精粹係放上面既蒜蓉粉絲，好香好入味！每枱都會有個沙漏同計時器，方便計住蒸海鮮嘅時間，唔會過火，呢個安排都幾貼心！海鮮方面的確好新鮮，有我至愛嘅大蜆、帶子、龍蝦、龍躉！大蜆唔會有沙，帶子、鮑魚好有鮮味好淋，龍躉簡直係又淋又好食！我地叫多左一轉海鮮同茄子、蒸豆腐、四季豆、小籠包、魚頭、清酒蜆等等！當中我比較鍾意食蒸豆腐真係好滑，小籠包皮薄、肉燥茄子都不錯！但我地發現時間有限，而蒸海鮮每次都要十分鐘，仲有個粥同火鍋未食！哈哈！所以我地都無再叫第三轉~最後店員加湯喺粥底裡面，就可以開始火鍋，其實我地都飽飽地，所以唔係叫左好多火鍋配料！有响鈴、稻庭烏冬、羊肉片、牛肉片、菜等等！牛肉片我地喺有粥底度食嘅，好有牛肉