Video
Read full review
2017-10-10
9902 views
三隻為食貓活動前想食個 tea buffet, 搵.揾.揾.....呢間openrice 有75折 coupon , 即系折實$204, 雖然d 食評好麻麻, 但我地未食過又唔介意做白老鼠親身來試試, 食完又唔覺得像食評般講到咁差, 絕對值回$204。酒店餐廳, 座位闊落舒服, 環境也不錯。再睇下有乜食？凍海鮮兩款、熟食、沙律、魚生2款、壽司、冷面、生果, 當然少不了甜品、即磨咖啡、果汁等等, 仲有回本貨Häagen-Dazs雪糕。除咗呢款魚生, 仲有三文魚, 自己戒咗食三文魚, 但見三文魚個樣脂肪比例都唔錯, 幾肥美。凍蝦雖然鮮度不足, 勝在蝦肉夠爽實, 青口細細隻, 肉質嫩滑, 都有少少海水嘅鹹鮮。多款沙律材料、乾果、果仁及醬汁, 自由配搭。蘿蔔炆牛腩, 正！蘿蔔腍甜, 牛腩用滷水汁炆得又腍又入味, 牛腩肥瘦夾雜, 夠香, 牛筋就更加腍滑。沙爹雞串 甜品選擇反而不多; 芒果蛋糕、蛋白蛋糕、紙杯蛋糕、葡撻、班尼、沙翁等, 同一般酒店自助餐差不多, 依間嘅甜品做得唔太甜, 我幾乎試晒全部十多款甜品, 也沒有甜膩的感覺, 整體OK, 回本Häagen-Dazs當然要食番杯吧。好老實,
酒店餐廳, 座位闊落舒服, 環境也不錯。
再睇下有乜食？
凍海鮮兩款、熟食、沙律、魚生2款、壽司、冷面、生果, 當然少不了甜品、即磨咖啡、果汁等等, 仲有回本貨Häagen-Dazs雪糕。
除咗呢款魚生, 仲有三文魚, 自己戒咗食三文魚, 但見三文魚個樣脂肪比例都唔錯, 幾肥美。
凍蝦雖然鮮度不足, 勝在蝦肉夠爽實, 青口細細隻, 肉質嫩滑, 都有少少海水嘅鹹鮮。
多款沙律材料、乾果、果仁及醬汁, 自由配搭。
蘿蔔炆牛腩, 正！蘿蔔腍甜, 牛腩用滷水汁炆得又腍又入味, 牛腩肥瘦夾雜, 夠香, 牛筋就更加腍滑。
沙爹雞串
甜品選擇反而不多; 芒果蛋糕、蛋白蛋糕、紙杯蛋糕、葡撻、班尼、沙翁等, 同一般酒店自助餐差不多, 依間嘅甜品做得唔太甜, 我幾乎試晒全部十多款甜品, 也沒有甜膩的感覺, 整體OK, 回本Häagen-Dazs當然要食番杯吧。
好老實, $204 食到酒店級 tea buffet, 有魚生、有炸軟殼蟹、有凍海鮮、有甜品、仲有舒適嘅環境, 俾你任飲任食兩個鐘, 我覺得好抵, 食味雖然唔系話好突出, 款式又唔系特別多, 但我覺得average OK喎, 順便一提, 呢度嘅服務都幾好, buffet 時間去到17:00, 但我地三隻嘢歎住咖啡、飲住茶傾到唔願走, 服務員冇催我地, 只係去到 17:30 埋嚟提一提我地因轉場 dinner buffet 關係, 18:00 前一定要離場, 酒店級嘅貼心, 有折的話, 會再來食。
Post
