Video
Read full review
2024-02-07
106 views
價錢黎講，係貴既。同海鮮有關既菜色份量都較小，反而雞同豬既菜色份量係正常返小小。環境坐得幾舒服。不過人手唔係好夠，等食物既時間較耐，反而見套餐既食客，上菜上得好快，散叫既話就要俾D心理準備等等。金銀桂花炒魚肚 🥰 燈光照住，好金光閃閃，落單果陣職員都講明味道偏淡，如果唔夠味，會俾醬油我地，但可能因為唔係一黎就食佢，食左幾碟濃味先食佢，我地反而覺得岩岩好。蛋炒得好夠碎，粒粒分明，口感軟綿唔算好干，5個人食就一人一匙咁上下。蝦籽海參燒珍寶明蝦球煲 🥰 象徵住全家安好團圓，來年豐衣足食，味道好香，送飯一流，大量蔥。蝦球唔算好大隻，好似都有6-7隻，味道較咸，海參係一口size但口感好軟滑。醬汁好多。蠔皇發財金錢扒溫室豆苗 🥲 "發財"份量真係好小，呢個係最唔抵食，一人一小啖都冇，味道正常，份量好小，會寧願叫牛 / 豬 / 雞。雕皇薑蔥焗台山川島生蠔 🥰 好惹味香口，但蠔好細隻同我印象中既薑蔥焗蠔既size有D分別，味道係唔錯，但性價比好低。好似都係6-7隻蠔，之後大量薑蔥。黃金銀魚仔蒸X角龍躉斑球 🥰 呢碟係最好食，但同樣地份量同價錢都係唔值既。一人一塊手心size既龍躉斑球，咸香岩岩好，底
金銀桂花炒魚肚 🥰 燈光照住，好金光閃閃，落單果陣職員都講明味道偏淡，如果唔夠味，會俾醬油我地，但可能因為唔係一黎就食佢，食左幾碟濃味先食佢，我地反而覺得岩岩好。蛋炒得好夠碎，粒粒分明，口感軟綿唔算好干，5個人食就一人一匙咁上下。
蝦籽海參燒珍寶明蝦球煲 🥰 象徵住全家安好團圓，來年豐衣足食，味道好香，送飯一流，大量蔥。蝦球唔算好大隻，好似都有6-7隻，味道較咸，海參係一口size但口感好軟滑。醬汁好多。
蠔皇發財金錢扒溫室豆苗 🥲 "發財"份量真係好小，呢個係最唔抵食，一人一小啖都冇，味道正常，份量好小，會寧願叫牛 / 豬 / 雞。
雕皇薑蔥焗台山川島生蠔 🥰 好惹味香口，但蠔好細隻同我印象中既薑蔥焗蠔既size有D分別，味道係唔錯，但性價比好低。好似都係6-7隻蠔，之後大量薑蔥。
黃金銀魚仔蒸X角龍躉斑球 🥰 呢碟係最好食，但同樣地份量同價錢都係唔值既。一人一塊手心size既龍躉斑球，咸香岩岩好，底係有小小粉絲，份量比前菜小食既多小小，龍躉斑球好鮮甜冇骨，但真係一人一件。
功夫吊燒三味脆皮雞 🥰 惹味可口! 脆皮雞皮脆肉嫩，雞味香濃，跟3隻醬，有蒜香醬 麻辣醬 海鮮醬，同1/2隻雞可以試到3隻唔同味，但留意返，試哂3隻醬既話，D雞肉可能唔夠分。
小館薑蔥霸王雞 🥰 醬油係蒸魚時油，雞好嫩滑，份量黎講一個人都分左2件有肉既咁上下，而個醬油係好開胃好味!
熔岩沙茶原隻鮑魚豬手煲 🥰 熱辣辣原個煲上，沙茶醬非常惹味，豬手唔算好大隻，一人一件岩岩好，鮑魚同 豬手都好入味，亦都好夠淋同有咬口，真係好味既!
無花果意大利黑醋小排骨 🥰 小排骨係炸過，夾埋意大利黑醋，食起黎唔太覺小排骨既肥膩感。
招牌胡麻醬珍寶明蝦球 🙂 炸過既蝦球味道較咸，配埋胡麻醬，整體味道都係偏咸。但係唔會好油膩。
杞子圓肉桂花糕 🥰 有桂花既淡淡幽香，入口清甜美味唔死甜，好中意!
呂宋香芒凍布甸 花奶另上 🥰 兒時回憶重芒果香味，唔死甜，好食~
Post
