陳漢記 (Closed)

年初二和朋友在吐露港單車徑踩單車去大埔食晚餐，大埔墟區內好多餐廳都沒有營業，幸好陳漢記有營業。下午6點去到，見到餐廳內有好多客人，只剩近門口的一張細枱，我們二人坐低，叫咗肉丸粥35元、花蟹粥53元、叉燒腸粉26元和炸魚蛋六粒45元。肉丸粥的粥底好味但肉丸一般。花蟹粥鮮甜但蟹肉少。叉燒腸粉皮薄饀多，豉油是預先用熱水座熱，好細心。炸魚蛋好味但好細粒，賣到45元6粒，好貴，唔抵食。四款食物當中，叉燒腸粉最好食，值得推介。