Video
Read full review
2005-02-04
155 views
就是同部門同事一齊食。正當大家正苦思去邊度食的時候，靈機一動來這裡食自助餐都好，又可以賭馬，柴娃娃好開心，於是就訂了兩圍在這裡吃。訂了在八樓，地方乾淨企理。廂房行出去就對正跑道，睇馬好方便，可惜唔係對正個winning post。尋日大風，幾凍，得D洋人至有興趣出去，當然我都有，因為有買。有專人服待，服務態度好好，倒酒收碟都好快手。西式自助餐選擇不算很多，由湯至甜品加埋都不過三十款。馬會出品，一向不差，但又不會好得到那裡。湯是意大利菜湯，普普通通，但凍冰冰的麵包反而幾好味；沙律吧有四款沙律，只有凱撒沙律叫唔錯；生蠔是大大隻的美國蠔，看樣子幾新鮮。第一轉食左四隻，味道幾好，但第二轉就四隻有兩隻唔掂，唔知點解；壽司刺身都有，但對暴露在空氣已久的日式食品沒有興趣，所以沒有吃；有盤鵝肝醬牛油包配葡萄喱的，好似幾靚仔，但卻腥到無比，非常難吃。熱盤選擇不算多，最好吃的算是燴羊膝，原隻連皮燒，配紅酒汁，大家密密食，再fill也是清晒；其他如青口、炆豬手、烚龍、咖哩鴨等都一般；燒西冷則用了靚貨，味道不錯；甜品都不算多，最好味的一款算是忌廉芝士餅，其他賣相及味道俱不吸引；反而芝士盤選擇不少，都有成六款揀
正當大家正苦思去邊度食的時候，靈機一動來這裡食自助餐都好，又可以賭馬，柴娃娃好開心，於是就訂了兩圍在這裡吃。
訂了在八樓，地方乾淨企理。廂房行出去就對正跑道，睇馬好方便，可惜唔係對正個winning post。尋日大風，幾凍，得D洋人至有興趣出去，當然我都有，因為有買。有專人服待，服務態度好好，倒酒收碟都好快手。
西式自助餐選擇不算很多，由湯至甜品加埋都不過三十款。馬會出品，一向不差，但又不會好得到那裡。湯是意大利菜湯，普普通通，但凍冰冰的麵包反而幾好味；沙律吧有四款沙律，只有凱撒沙律叫唔錯；生蠔是大大隻的美國蠔，看樣子幾新鮮。第一轉食左四隻，味道幾好，但第二轉就四隻有兩隻唔掂，唔知點解；壽司刺身都有，但對暴露在空氣已久的日式食品沒有興趣，所以沒有吃；有盤鵝肝醬牛油包配葡萄喱的，好似幾靚仔，但卻腥到無比，非常難吃。
熱盤選擇不算多，最好吃的算是燴羊膝，原隻連皮燒，配紅酒汁，大家密密食，再fill也是清晒；其他如青口、炆豬手、烚龍、咖哩鴨等都一般；燒西冷則用了靚貨，味道不錯；甜品都不算多，最好味的一款算是忌廉芝士餅，其他賣相及味道俱不吸引；反而芝士盤選擇不少，都有成六款揀，幾有睇頭。
啤酒、紅酒、白酒、香檳任飲，由頭飲到尾都源源供應，係呢樣最抵，亦適合我地團年飯的歡樂氣氛。
埋單一萬一千幾，無記錯位位是四百六十幾，以搞一個廿幾人的扒地來說，包晒酒水的話，唔係貴。
題外話：非馬會會員都卜得又來得，不過係會員唔收加一。
Post
