長勝廳

Open Now

Now Closed

睹場和馬場，小妹甚少踏足。澳門睹場，大開方便之門，早已見識過了，並吃了一頓飯。馬場，則一直未有機會拜會。小妹不好且不懂賭博，光去看賽馬，興趣不大也。想去光顧馬會餐廳，惜大部份只招待會員，小妹絕非大富大貴之人，未能高攀。 相熟朋友圈中，中學死黨H因工作關係，成為了會員。是晚，一行三人齊去馬會長勝廳睇賽馬，品佳餚，兼替小妹慶生。 H告知是晚只有沙田馬場有賽事，因不欲山長水遠去沙田，故選擇在跑馬地用餐，並透過電視螢幕，與馬兒作遠距離的親密接觸。客人並不多，只是疏疏落落的五六枱人，望著窗外漆黑無邊的夜空，以下樓下遼闊的綠油油弧形大草地，感覺煞是舒服且自在。 有錢人的生活，絕非出身寒微的小妹可以理解的﹗ 當晚所見，不少中年男士，獨個兒，對著電視螢幕，邊用餐，邊睇馬經。又或者，有美女相伴，然相對無言，只專注於手上的馬經，或全神貫注地觀賞賽事。整間餐廳，每位客人都在埋頭苦幹。彷彿，只剩下我們三人，天南地北，大聲講，大聲笑，在享受人生的瞬間愉悅……長勝廳，名字夠霸氣。然，食物則一般，費用卻不便宜，頗為失望。客人可因應個人喜好，在主菜、頭盤和甜品三者中，選擇兩道菜或三道菜，前者約$370-$44

昨晚book左檯同鄰居友好們喺跑馬地長勝廳 Home Straight食Semi Buffet.7點10分座低,啱啱趕得切睇第一場比賽.先去salad bar 攞左一兩碟菜食,選擇唔算太多.但叫做開下appetite.跟住叫服務生搯了一碗湯,是十分潤肺的白菜乾豬肺湯,之後仲特登叫距搯碗淨豬肺.7點40分左右點Main Course,但係竟然話無我想食嘅燒法國春雞伴意大利飯.點了泰式馬沙文羊膝咖哩伴白飯.上菜時間尚可.咖哩汁不錯,但羊膝不夠軟腍,可以再控制得好一點.朋友們分別點了烤黑鱈魚柳伴甜椒醬及檸檬朝鮮薊蓉與菠菜及蘑菇意大利粉.黑鱈魚分量算是夠料. 而且汁亦帶出魚嘅鮮味,同時去走腥味.意大利粉 Cannelloni 學名係粗通心粉,但睇落似Lasagne多D.最後甜品也食埋,款式不算做好特別,都是預計到的蛋糕及水果.3道courses食曬.成400一位.價錢有點比想像中貴.

31/12/2008 去食buffet + 倒數佢個buffet 7pm 開始, 我地 8pm 到, 全場得3檯人, 已經覺得有d唔對路.去攞野食. hmm.. salad bar 得幾塊菜同 dressing ge?? skip... 食咗個黃梅鵝肝凍 - the most "ok" thing the whole nightsince our choices were really limited, we started eating hot dishes very soon. and here come the problems...1. the "hot" dishes were merely warm2. the pork chop was so 堅韌 my mom couldnt even cut it with a knife 3. the so called 大蝦.... 連蝦仁都不如... 終於我 mommy 忍不住生氣了... d staff 不斷 appologize, 但最終我地連dessert 都唔食決定走... 總不成倒數時得我地幾條友自己同自己喊: 5..

九月開始逢星期四至日晚上七點至十點，意大利Semi Buffet食物，環境同服務都一流頭盤同甜品就係Buffet，好新鮮，又好精緻主菜就另叫。。。我哋一家五口，一人試一樣最好味係個pizza，落足料，薄底脆身。。。同Pizza Hut 完全唔同有廚師哥哥耐心教小朋友做Pizza阿Ｂ第一次親手做Pizza俾我哋食。。。心都甜晒不過只招呼會員。。。

有得入馬場食飯,好開心長勝廳係semi-buffet,半自助餐,即係一人有一個main course,另外再自己出去攞野食主菜係龍蝦扒牛柳,牛柳係安格斯牛柳,肉質當然好,龍蝦大大隻,總之係好味!出面可以攞既野唔算多,不過我覺得d原隻帶子都ok,而且供應源源不絕,仲有係長蟹脚都好好味,不過龍蝦仔反而無肉食,食得好辛苦!甜品比較多,可能係半自助,所以buffet嗰part款式唔係太多!一邊食一邊睇跑馬,好開心!

又要應酬一班鬼，帶佢地來賭馬，有得玩有得食，最好不過。在滿貫訂了一圍，又是吃西式自助餐。比較起沙田那邊，這裡無論在食物種類及賣相上都大為遜色。冷盤有生蠔、凍蝦及青口，生蠔是細細隻的美國蠔，都幾新鮮及有淡淡的海水味道，算吃得過；湯是蕃茄忌廉湯，淺嚐幾口，卻是沒有什麼印象；還有刺身及壽司一大盤，當然是沒什麼興趣，不過就見一內地賓客用普遍話投訴沒有三文魚刺身；沙律選擇不算多，吃回基本的蔬菜沙律就最穩陣。另一個吞拿魚長通粉沙律就相當一般，通粉好像雪了幾年咁實；熱盤方面，只幾個選擇，一盤咖哩秋葵，一盤白烚西蘭花，一盤燒汁牛肉，一盤白汁龍利柳，單看賣相，已知不宜去碰。還好有一大條威靈頓牛肉，包在酥皮內的牛柳，肉質雖然過熟，但已算是最好的了；甜品檯是全場比較有睇頭的部份，認得芒果酥皮撻，鮮芒果粒放在蛋撻皮內，加上朱古力，吃了三個；芝士也有幾款選擇，加上源源不絕的鮮果，吃甜品吃到飽。當然來馬會吃自助餐，最好的還是任飲的飲品。除一般的汽水橙汁外，啤酒有嘉士伯、生力及Warsteiner，當然是捧德國啤場較化算。紅白酒都是來自智利的，分別是Santa Helena的CabSau及Viu Manet的莎當尼

就是同部門同事一齊食。正當大家正苦思去邊度食的時候，靈機一動來這裡食自助餐都好，又可以賭馬，柴娃娃好開心，於是就訂了兩圍在這裡吃。訂了在八樓，地方乾淨企理。廂房行出去就對正跑道，睇馬好方便，可惜唔係對正個winning post。尋日大風，幾凍，得D洋人至有興趣出去，當然我都有，因為有買。有專人服待，服務態度好好，倒酒收碟都好快手。西式自助餐選擇不算很多，由湯至甜品加埋都不過三十款。馬會出品，一向不差，但又不會好得到那裡。湯是意大利菜湯，普普通通，但凍冰冰的麵包反而幾好味；沙律吧有四款沙律，只有凱撒沙律叫唔錯；生蠔是大大隻的美國蠔，看樣子幾新鮮。第一轉食左四隻，味道幾好，但第二轉就四隻有兩隻唔掂，唔知點解；壽司刺身都有，但對暴露在空氣已久的日式食品沒有興趣，所以沒有吃；有盤鵝肝醬牛油包配葡萄喱的，好似幾靚仔，但卻腥到無比，非常難吃。熱盤選擇不算多，最好吃的算是燴羊膝，原隻連皮燒，配紅酒汁，大家密密食，再fill也是清晒；其他如青口、炆豬手、烚龍、咖哩鴨等都一般；燒西冷則用了靚貨，味道不錯；甜品都不算多，最好味的一款算是忌廉芝士餅，其他賣相及味道俱不吸引；反而芝士盤選擇不少，都有成六款揀

依到好似會員先可以響到擺酒, 所以亞媽係咁叫我黎見識下. 但個場都唔係有咩特別, 同一間靚靚地既酒樓一樣, 樓底都唔係高不過望出去都幾靚野食黎講唔係好有印象, 係記得第一味既乳豬好燶味, 不過佢切得幾好野, 淨係得番塊皮冇肥冇肉.條魚好鞋同d菜有虫.所有野食唔係出色囉, 冇樣覺得好食又唔係差.不過佢依到既分配食物方式就惹來好多人既不滿可能多數既人都係去慣自己挾自己食, 鍾意食幾多就幾多邊樣就邊樣.而且好多水上人呀, 尤其對條魚非常唔滿意.佢地鍾意「輪」骨架嘛而且蒸到條魚咁佢地覺得好0徙.不過依樣野好主觀既, 如果佢serve d 人唔鍾意自己挾咪fit佢地囉, 而且依到都算high. 所以都唔可以話咁樣唔好.但依到既職員就非常之蠢同黑口黑面.話說我姨姨飲到一半既橙汁, 諗住飲埋佢就換茶.第一個伙計見到飲左一半就諗住添啦, 我姨同佢講話「唔駛喇, 一陣我飲完想轉茶」佢一手就想拎走佢隻杯, 我亞姨要講多次話唔係唔要杯橙汁, 諗住一陣飲埋佢先轉茶.第二個伙計見到又想走埋黎添, 我姨又講同一番說話,佢大大聲話「唔得架喎, 經理見到會鬧架喎」又話說上糖水時, 個伙計線手個玻璃蓋跌左落枱, d玻璃

有同事要走，他說想到馬場試試，所以就託朋友班了幾個馬牌在呢度食自助餐。這裡位處馬場正中，景觀不俗，買馬的可以慢慢睇完馬才下注，唔賭的都可以悠閒地進餐。食物種類不算很多，但勝在refill的速度很快，所以幾時都好似未食過一樣。沙律選擇不多，有兩盤野菜同通粉沙律，仲有海浙同醃青瓜，好在都叫幾新鮮；壽司和刺身都有幾多種類，但壽司是應是別處交來，不太新鮮，所以都不大有興趣。刺身有大量吞拿魚、三文魚和八爪魚，沒有吃過所以不知新鮮與否；生蠔是中等size，幾新鮮亦甜美，所以都食左半打有多；有7款芝士供應，山羊芝士、軟芝士、藍芝士等都有，無咩人吼，所以可以逐款慢慢試；熱盤有10款左右，但水準麻麻，最好食的是炸蝦丸，用鮮蝦打成，又成日refill，鬆脆好味；飯只是白飯，而上海粗炒又極多油，所以無食；甜品種類不少，其中以焗布甸最好，另外Cherry Jubilee都幾好，車厘汁加雪糕極之正，食左幾杯。埋單位位二百幾，都唔算貴。