幸屋

Open Now

Now Closed

餐廳：幸屋地點：灣仔機利臣街菜式：日式拉麵餐牌：拉麵幾款，沾麵，丼飯，小食，沙律，飲料等。可以揀拉麵既粗幼同硬度，湯既濃度，香油分量，辣度，連叉燒，葱同椰菜分量都有得揀。熟成味噌廣島蠔赤雞湯拉麵 $128呢款熟成味噌廣島蠔赤雞湯拉麵係期間限定，當然要試試。廣島蠔4隻，都唔細隻，好嫩口。雞胸肉兩片，健康又唔韌。糖心蛋一開二。仲有紫菜一片，水菜，扁筍，黑木耳，紫洋蔥同蔥花，蔬菜量足。面頭灑上白芝麻粒。個湯厚身不過唔油。麵條係幼身，有咬口，唔錯，浸耐左都唔會太淋。蒲燒鰻魚丼 $98蒲燒鰻魚丼有鰻魚6件，上面灑上蔥花同白芝麻粒。鰻魚食落彈牙夠汁。配有一隻生蛋，整穿有蛋汁撈飯令個飯又香又滑。仲有少量梛菜。飯量好多，個鰻魚汁送飯一流。另外叫左兩份小食分享。和風餃子 $38和風餃子一客六隻，係六隻塊皮煙煙韌韌嘅餃子面頭仲有一塊又薄又脆既脆皮，上面加上大量沙律醬，醬油，蔥花同木魚花。餃子入面有肉又有菜，食落又脆又煙韌，醬汁豐富，好邪惡。呢個價錢都幾抵。章魚燒呢度居然有章魚燒。章魚燒一客四粒，面頭加上沙律醬同木魚花，食落入面非常淋而明顯食到章魚肉，味道都唔錯，沙律醬剛好，唔會太多或者太少。辣芽菜好鍾意食