Video
Read full review
2024-04-28
21 views
行行吓街，見到呢間新開嘅幸福麵館，好耐冇食過車仔麵，所以入去試吓新嘢先😎入到餐廳，啲員工好好禮貌，會主動問我哋食唔食得辣，又會推介邊啲湯底岩我哋食，好貼心！最後，我哋叫咗兩碗三餸嘅車仔麵同一個小食😝第一碗叫咗樹記生根、芝士腸、瑞士雞翼，豬骨湯米線🍜豬骨湯底好濃郁，絕對值得推介！米線煮得彈牙得嚟又唔會太腍！生根就算浸落啲湯到，食落都仲會保持少少脆脆感覺！芝士腸都煮得啱啱好，瑞士雞翼醃到好入味，食雞翼嘅時候連米線一齊好夾呀😋第二碗叫咗咖喱魚蛋、蔥爆漿貢丸、城寨墨魚丸，沙嗲汁（小辣）油麵🍜貢丸同墨魚丸夠彈牙，咖喱魚蛋好出色，咖哩味好香辣，撈埋落湯到幾好食！而且油麵份量夠哂多，食落仲軟硬度適中！不過可能係叫咗沙嗲汁小辣，所以唔算話好辣，另外加咗啲辣菜脯 更加惹味😋小食就叫咗甜蜜煎釀三寶，煎釀三寶係用青椒同豆卜釀魚肉，啲魚肉食落好彈牙，加埋佢個秘製醬汁，都幾唔錯😋
最後，我哋叫咗兩碗三餸嘅車仔麵同一個小食😝
第一碗叫咗樹記生根、芝士腸、瑞士雞翼，豬骨湯米線🍜
豬骨湯底好濃郁，絕對值得推介！米線煮得彈牙得嚟又唔會太腍！生根就算浸落啲湯到，食落都仲會保持少少脆脆感覺！芝士腸都煮得啱啱好，瑞士雞翼醃到好入味，食雞翼嘅時候連米線一齊好夾呀😋
第二碗叫咗咖喱魚蛋、蔥爆漿貢丸、城寨墨魚丸，沙嗲汁（小辣）油麵🍜
貢丸同墨魚丸夠彈牙，咖喱魚蛋好出色，咖哩味好香辣，撈埋落湯到幾好食！而且油麵份量夠哂多，食落仲軟硬度適中！不過可能係叫咗沙嗲汁小辣，所以唔算話好辣，另外加咗啲辣菜脯 更加惹味😋
小食就叫咗甜蜜煎釀三寶，煎釀三寶係用青椒同豆卜釀魚肉，啲魚肉食落好彈牙，加埋佢個秘製醬汁，都幾唔錯😋
Post