吉祥日本料理 (Closed)

日本菜係香港人最鍾意嘅菜式，而Omakase（廚師發辦）更成為當中嘅至尊選擇。Omakase當然係廚師嚴選嘅最佳食材，但有時廚師都未必能夠完全掌握到你嘅心意，所以自選壽司更適合你，可以自己揀自己鍾意食嘅魚生啦！嚟到黃埔吉祥日本料理，自選壽司嘅選擇非常多，食材高質，同樣充滿幸福感。自選壽司12件午市嘅定食選擇非常多，今日就揀咗自選壽司。餐單上面有30款唔同嘅壽司，大家可以任揀12件，而每款最多可選兩件。30款都好想食，好難揀呀！最後，經過痛若嘅掙扎，揀咗三文魚腩、油甘魚、吞拿魚、真鯛、魴鮄、北寄貝、帆立貝、赤蝦、炙燒左口魚邊。款款魚生都非常新鮮，特別鍾意油香十足嘅三文魚腩同油甘魚，魚油豐富，高質讓人充滿幸福感；帆立貝、赤蝦非常鮮甜，彈牙得嚟，口感非常膠口，好滿足呀！