大公館

Open Now

Now Closed

朋友係荔枝角呢邊放工，久違約左幾個老死聚聚，貪呢度環境幽靜，可以靜靜地嘆住中菜傾下計，可以慢慢食，坐耐d 都唔會有壓力。頭盤叫左個個金甲炸魚皮，熱辣辣又脆，咸蛋咁香。川味口水竹絲雞，有d 肉凍feel 嘅口水雞，口感特別，配麻辣嘅口水汁好惹味，用竹絲雞咪好補身囉，正呀！桂花蜜燒去骨鴨腳包，鴨皮包住芋頭，鴨肉等配料蜜燒，鴨皮脆脆地帶鴨脂香味，層次感出，愈食愈滋味。金沙蝦球，用左好大隻嘅大蝦，個皮好香脆，帶咸蛋香，香口菜首選。脆香豆酥蒸銀鱈魚球，鱈魚好滑好香，下面係白滑上湯蒸蛋白，配上炸蒜同川辣汁，水準超卓，必食之選。黑松露和牛砂鍋飯，黑松露味濃，熱鍋做出微微飯焦嘅效果又可以保温，和牛肉質嫩滑帶少少爽口彈牙，食得出高質和牛嘅水準 份量十足，6個人都夠分。甜點叫左懷舊芝麻卷，無論黎飲茶定晚飯，差唔多每次都一定會叫，因為出面已經好難食到呢個水準，芝麻味好濃，質感好滑，香甜味道較得剛剛好。整體黎講，想要寧靜高質嘅中菜館一定會再返黎幫襯。