Video
Read full review
2010-01-28
7 views
今晚同班同事一行十二人去晚飯，最早到的未夠七點已到左攞位坐低，order左一個半席套餐，7:45pm齊人，就同waitress講起菜，無幾耐幾碟冷盤到左，但等到8:25pm都未見有一碟主菜出現！我地同waitress反映完一次又一次，三催四請之下，主菜一碟一碟咁出，眼見人地較遲入席的都食完小籠包，我地的小籠包連影都無！催完一次又一次，waitress一時又話追左，一時又話整左，我地話佢漏單，佢又死口唔認，真係好激氣！真係慘過去飲，幾乎碟碟都要追住個waitress，食到9:30pm，仲有碟魚未上！我地已經好無癮，決定要走人，就同個waitress講，未出的魚不要了，要佢從套餐中扣除那碟魚的價錢。另外，我地仲同waitress反映兩個大問題：「雜菜煲」菜少水多，似雜菜湯多ｄ；「東坡肉」伴碟的冬菇係凍的！個waitress提議送兩客豆沙鍋餅比我地，我地怕又要唔知等幾耐，決定唔要，並要求佢扣除魚和雜菜煲的價錢，埋單走人！呢間「上樓」起碼有三大問題：一，樓面人手嚴重不足，睇見幾個waitress撲來撲去，做得好辛苦（幸好EQ尚算高，冇發老脾）；二，廚房灶頭或人手嚴重不足，不止我地等左好耐才有上
我地同waitress反映完一次又一次，三催四請之下，主菜一碟一碟咁出，眼見人地較遲入席的都食完小籠包，我地的小籠包連影都無！催完一次又一次，waitress一時又話追左，一時又話整左，我地話佢漏單，佢又死口唔認，真係好激氣！
真係慘過去飲，幾乎碟碟都要追住個waitress，食到9:30pm，仲有碟魚未上！我地已經好無癮，決定要走人，就同個waitress講，未出的魚不要了，要佢從套餐中扣除那碟魚的價錢。
另外，我地仲同waitress反映兩個大問題：
「雜菜煲」菜少水多，似雜菜湯多ｄ；
「東坡肉」伴碟的冬菇係凍的！
個waitress提議送兩客豆沙鍋餅比我地，我地怕又要唔知等幾耐，決定唔要，並要求佢扣除魚和雜菜煲的價錢，埋單走人！
呢間「上樓」起碼有三大問題：
一，樓面人手嚴重不足，睇見幾個waitress撲來撲去，做得好辛苦（幸好EQ尚算高，冇發老脾）；
二，廚房灶頭或人手嚴重不足，不止我地等左好耐才有上菜，亦聽到附近食客話等左成個鐘都未野食；
三，食物質素、份量與價錢不符，例如「雜菜煲」變左「雜菜湯」（價值港幣60大元！）
如果你想同朋友慢慢歎茶吹水過日辰，呢度絕對適合，因為上菜慢到訓著！
如果你好肚餓要搵食醫肚，奉勸閣下去老麥，上樓實餓死！
Post