Freshness Burger (Closed)

一陣子之前都已經諗住去試下呢間餐廳. 但係一直無乜機會. 估唔到今次無意經過, 又撩起呢個念頭.今次試咗佢個布甸, 好滑, 好好味. 睇清楚, 原來係日本出品嚟o架!到而家都重係好掛住佢.重發現最近有新出品 (見圖).於是又飲埋個巨峰提子特飲. 最初估佢可能係似 d 超市d濃縮提子汁咁....... 到杯嘢飲送到嚟, 一飲之下, 嘩! 原全唔係嗰回事, 真係好巨峰提子味, 簡直係愛上佢. 不過多咗少少冰, 但都可以接受. (可能係我飲慣少冰至真!)服務方面, 係落完order之後, 將個牌放響枱面, 之後就會有人送餐. 唔使企晒響度等, 都幾好吖! 執枱都幾快, 事緣我地去到無卡位, 後來有人走咗, d 店員好快就執好張枱, 哈哈, 我當然係第一時間過去啦! 其實普通位都ok, 不過係我有卡位情意結啫!聽朋友講, 個芒果味甜品杯同埋個雞扒沙律都幾好味, 但今次實在裝唔落, 我決定下次一定會再去.