東海堂 (Closed)

為母親慶祝生日, 買咗個東海堂的北海道芝士蛋糕。唔係新嘢, 不過一直未有機會試。$148一個, 之前有credit card有 discount, 不過優惠已過, 好彩手頭上有餅卡。平時喺德福放工, 經過東海堂時, 每款蛋糕平均都有2個現貨, 所以就無特意去訂, 諗住即時買。點知今日放工, 去銅鑼灣果間, 居然無哂, 即時有點焦慮, 好彩職員好友善咁幫我打去其他附近分店問, 問咗2間都無, 最後喺海港中心果間有last one, 職員幫我留起, 我立即走去果間買。去到成功買到個蛋糕, 鬆一口氣, 回家同母親&細佬食生日蛋糕。個蛋糕外型好靚, 係由(頂部)白朱古力、(中間)芝士+北海道牛乳、(底部)朱古力曲奇組成。不過唔知點解, 切果陣有d硬身, 有d難切 (好似果d雪糕蛋糕咁)。味道好香滑, 不過就唔係太feel到牛奶味, 芝士味多d, 不過都幾好味, 但始終係芝士蛋糕, 所以食細細嚿就已經有d”溜”。