Pancake Colours Cafe & Bar (Closed)

琴日同女朋友仔去左旺角行街,大家都飽飽地,所以就諗住搵D小食或者甜品食下,咁就走左上黎依到喇,估唔到四點幾五點都幾旺下。加埋依到D裝修都幾靚下,CAFÉ黎講唔算太嘈,可以接受,兩個人上黎都唔算太差,氣氛都唔錯,加埋D位都幾舒服。個MENU都好多選擇,下午茶餐都好多下,由於唔太肚餓既關係,所以我同女朋友仔都叫左美式班戟,咁我就要左朱古力,佢就要芒果。我覺得依到唔錯既就係佢所有野飲都有得加錢跟餐,價錢一D都唔過份,同埋超大杯,我就要左提子梳打,女朋友就要雪糕紅豆冰,杯飲野就黎先,佢話佢個個太奶,不過都好好味,我杯就唔太甜,岩飲,之後等多陣個班戟就到LU,個朱古力雪糕加埋則邊D脆脆好好味,班戟都唔錯,幾鬆化,不過我覺得中間D CREAM多左少少,不過味道係無問題既,好食! 仲有D STAFF都好好人,好有禮貌。