Pancake Colours Cafe & Bar (Closed)

Pancake Colors旺角店最初設於旺角道電盈2樓，喺前往火車站既天橋會看到的，該處人流暢旺，幫襯此店既人自然也多，不過勝在地方大，所以等位唔會太耐。搬到現址後幫襯還是第一次，一出電梯，老公以為還未開門，餐廳黑漆漆的，行至正門看到有食客在內才確定店在營業，餐廳佔地全層，地方仍是很大，裝修跟以前也差不多，主要以仿Designer Chairs作賣點，不過新店相對失色，大部份既櫈外形差不多，更多是像宮廷椅，大大張，是以窗外陽光都給遮蔽了，而且櫈很殘舊，老公更話餐廳格局像跳茶舞呢！hahaha餐牌跟以前沒多大分別，食物選擇依然超多，幫襯既時間既有午餐﹑也有下午茶餐，下午茶餐分甜食及鹹食兩大類，鹹食多以三文治﹑德國腸仔餐那些輕食為主，甜食仍以舊時兩類班戟作主打，即美式及法式，美式即我們常見既熱香餅，而法式則為Crepe，我們每款各點一客，分別為天使魔鬼美式班戟及香蕉法式班戟，各$39(+10%)，包一杯指定飲品，老公點了冰低糖綠茶，我則點了熱檸檬錫蘭紅茶。等了一陣香蕉法式班戟隨飲品先來，賣相很不錯，班戟卷一開二打斜置放，中間放一球雲呢拿雪糕及幾片香蕉，上面淋上朱古力及焦糖醬，相當討好，讓

 都記得係幾年之前，我同我女朋友第一次約會就喺呢間餐廳。都4年幾前啦，當年我地貪呢度啲枱幾靚，又黑媽媽有情調先入去食。可惜當年啲野食認真一般，我地坐左冇幾耐都走左啦。4年之後，約左朋友星期六出黎食飯。大家都知星期六度度都係人，冇book 位機本上好難食到飯。我同朋友膽粗粗提議不如去金白利行一轉啦果度多食肆，第一張接到既傳單係邊間就去邊間啦。點知一接就接左當年同女朋友去呢間餐廳啦。睇睇個餐牌都同我以前同女朋友食果陣好唔同啦，啲相仲好似幾靚幾好味咁添。今日連埋我同我朋友一共有三個人，順理成章係叫三款野食share。由於本人對是日餐湯冇興趣，所以只將兩款野食升級做餐；我要野飲我朋友要湯。先講講個湯，睇落色水唔錯架。 Waiter話是日餐湯係南瓜忌廉湯，但我朋友話飲落根本冇咩味，似粟米忌廉多過南瓜忌廉湯好多。而且湯入面係冇料的，唔似出面啲餐廳有一粒粒粟米或磨菇，令人聯想到會唔會係開粉。之後上枱的係墨魚汁意粉。咦！點解同個圖完全唔同嘅？黑色一堆野咁，上面得幾條綠菜@@個意粉味道唔錯，幾濃墨魚味，亦都爽口彈牙。但入面啲墨魚有少少咬唔開嘅感覺。個意粉唔夠熱呀，個熱度keep得唔耐。希望餐廳注意返啲菜

一入去由帶位開始 啲員工塊面已經黑過墨豆 無服務可言 我叫左2個小食 我食哂檯上面既野佢都無黎 叫個侍應話啲野未黎 就「哦」一聲算數 過多十幾分鐘 我地就走去同個侍應d野食仲未黎 叫佢未整一係cut左佢 佢又係一句野都無講 要我地問佢係咪cut左 佢先話係 最後我地想打牌 但無人汁野 舉極手都無人理 但見住啲侍應們勁hea 有個仲要帶埋條女黎係度咀 講到呢度我地當時係超嬲 就將啲野食放地下 之後同條女錫果個侍應見到就走過黎問咩事 就開始嘈起上黎話要收清潔費 一個侍應唔汁野返緊工同條女係度咀 間cafe發生乜能野事？ 啲態度仲要食左屎咁 嘈果啲真係唔想講落去 講到2046 只係勸大家食之前諗清楚 無咩都唔好去呢間cafe 野食貴 無服務 態度差 你食完包保你一肚氣

我同個fd點左海鮮意式燴飯同卡邦尼蛋汁煙肉意粉。我第一次食意式燴飯會有陣印尼炒飯味同中國蒜味，完全唔似燴飯，好失望。但卡邦尼蛋汁煙肉意粉就幾好，d蛋漿包住每條意粉，加埋濃稠但又不膩既芝士，非常惹味。飲品都幾大杯，但加得比較多冰，沖淡左peach green tea既清香。

記憶中此店已開業多時了，光顧是第一次。事緣朋友仔生日，晚飯後轉場吃甜點。佈置很華麗，有點過火，古堡crossover暗黑? 其實算有特色，其實是....我老了。趕回家關係，快快手點了三份法式pancake，香蕉，朱古力，芒果(就是很大路的口味)悄悄找店員安排在pancake上放生日candle，真的有安排，抵讚。味道方面，三份除了配料和雪糕外，味道是差不多的。外皮蛋味較重，薄薄的，配上忌廉巧克力醬，味道可以，但不算突出。吃過真正的法式薄餅，就回不了頭呢......

為了可以無阻礙地和朋友暢談近況，我們一致決定找一間可以坐耐一點的CAFE，而旺角CAFE眾多，我們最後選擇了PANCAKE COLOR，是次叫了套餐，包括湯+主食+飲品 甜品另叫:例湯磨菇忌廉湯: 太過稀了，像喝水一樣，材料亦不太多，只有數粒磨菇。主食紅酒燴牛尾蛋包飯:推介，炒飯粒粒分明，蛋汁濃；牛尾夠稔；紅酒味都有。肉醬千層麵: 肉醬太油膩了，千層麵過稔。卡邦尼蛋汁煙肉意粉: 醬汁十分CREAMY，意粉彈牙。飲品凍檸茶凍奶茶凍檸水甜品紅桑莓白朱古力慕思蛋糕: 一般，白朱古力太甜了，蛋糕就算正常。藍莓果醬PANCAKE: 藍莓果醬甜度適中，PANCAKE是新鮮弄起的。

星期六旺角八點鐘想食野唔排隊唯有你海鮮白汁意粉lovely!!!!sauce very thick!!!軟殼蟹麻麻地...炸薯條 were already fried before ordered蛋包飯十分bad環境污糟到死裝修麻麻地, very old紅soup勁難飲但係可以坐三粒鐘service ok wor!!!!Pancake 反而 ok

第三次到這裡吃。侍應木無表情，預料之內。紅湯很快就送上，但桌上竟然沒有胡椒粉，是一早灑好了？飲品挺大杯，跟餐的價錢只是加7元，味道還好。千層麵賣相⋯不說了，味道就是家裡也可以煮出的程度。吃了一口，我稱它為麵糊。本來叫了五成熟的羊架，上來已經是七成熟配的薯菜就真的只有薯蓉和三片沙律菜，以百多元的羊架來算是否「辜寒」了一點？此外醬汁也是普普通通，不值。

個日同朋友行完街諗住搵個地方坐下食下甜品行到瓊華見到張POSTER上面D甜品好似幾吸引咁所以就去左哩度食我地分別嗌左個美式班戟同法式班戟美式果個紅豆班戟真系好好食 又吾系太甜至於天使魔鬼法式班戟果個初初以為佢 得塊班戟卷住會好難食好單調原來配埋冰涼既雪糕同碟上面D朱古力碎都吾錯個人認為美式果個好食D

點了紅酒燴牛尾蛋包飯,曲奇凍朱古力5-10min內黎到「紅酒燴牛尾」實情係黑色一pat 完全唔知咩汁黎,d牛尾碎到唔似牛尾,而且炆到燶晒,食落有苦味,食左幾啖唔對路就冇食係蛋包飯較為正常,而曲奇凍朱古力淡如水$120的價錢不如食大_樂起碼食材新鮮d,飲品正常d,仲有60蚊找就算一大班人想搵地方坐, 呢度都太嘈吵

我同我啲fd係lunch黎飯聚，一到個陣水靜鵝飛，我地不豫有他照入，但侍應先問我地有無訂位，一話無就想唔俾入咁，之後都有位，但有個位好唔岩坐，張枱唔夠長，坐得好逼一叫野食，無鐵板，無奶茶(係一直無供應)，無咖啡，肥牛又厚又韌，經常落錯單，紅茶變檸茶，凍咖啡變熱(仲要三次錯)之後仲要話無，賣相又一般，野飲味道偏淡，太多冰(眼望落去成杯係冰)，野食唔夠熱(仲無鐵板，得石頭飯係ok服務生態度一般，有個戴眼鏡既係面前叫幾次都無應，叫個茄汁都勁耐，又落錯野黎錯野，又乜都無，得某一男一女侍應係正常非常唔建議黎食

下午茶時間同個frd上左樓上café食甜品吹水~甜品既外觀好靚, 味道就要試下先知~紅桑莓白朱古力慕思蛋糕賣相吸引上層既慕思都smooth, 白朱古力既甜俾紅桑莓既酸中和所以食落唔會太甜, 都幾清新, 成個texture好滑, 做得唔錯心太軟就係去親甜品店都必食, 呢道既水準都有咁上下切開有暖苙苙既朱古力醬流出黎, 我鐘意佢既朱古力醬有重可可味外層既朱古力蛋糕普通, 不過不失~焦糖朱古力撻, 焦糖味香, 朱古力味唔係太重個撻都幾結實下,食完一個真係會好飽榛子千層朱古力蛋糕, 嘩寫下寫先發現我地叫好多朱古力~我個人好鐘意成個比例, 一啖可以有朱古力塊, 滑既朱古力cream同蛋糕最後有叫左兩杯野飲, 曲奇脆米朱古力同香蕉奶昔味都不過不失, 唔好咁甜會好d

旺角既pancake colour係café界都好出名, 今次終於可以一試!裡面裝飾比較特別, 有少少哥德式感覺, 不過係旺角既哥德式又真係唔好要求咁多啦!哈哈個人覺得最緊係要做得舒服, 個梳化坐唔錯, 可以好好坐番一兩鐘都唔會patpat痛普遍既café都會光線比較暗, 我覺得呢到光度唔錯, 唔會暗到睇唔到餐牌!哈哈第一樣試左美國黑安格斯肉眼扒配牛肝菌汁, 8成熟個8成熟控制得唔錯, 肉質唔老, 有肉汁肉眼扒外有一層脂肪圍住, 唔會太油膩, 令個味道加香肉眼扒下面係薯蓉, 個人覺得如果係多d牛油味既薯蓉會吸引d黑松露海鮮意式燴飯, 個外貌普通, 但食落有驚喜個飯夠creamy, 意式燴飯最怕煮得唔夠耐, 裡面硬呢度煮得唔錯, 綿得黎有咬口, 值得一讚蜜糖芥醬雞軟骨, 好香口好脆口, 唔會太乾身, 有少少肉汁蜜糖芥醬甜甜地, 有少少攻鼻既芥醬, 唔會太辣, 可以一試

呢間餐廳真係令到我要打第一次食評, 仲要係差評!心思思突然想食甜野, 原本打算去荼木, 但電梯一開門就見到好多人...咁又見到佢張poster係好多甜品, 所以最後就落左黎呢間食飯.入到去,安排個個位係冇燈之後自己調左個位去後面個張有燈嘅枱.準備落order, 隻手舉左成5分鐘都冇人理, 仲要個經理見到都冇反應最後係另一面嘅侍應見到走過黎落單...叫左個菠蘿豬頸肉炒飯同埋一個彩虹美式班戟.個menu入邊明明係用個菠蘿上, 類似咁樣樣嘅炒飯我係好多地方都食過, 都係成個上. 咁我都係以為佢僧係用菠蘿上, 點知佢黎度係變左做一碟綠色油淋淋嘅野入邊有好多少到好乾嘅豬頸肉加急凍雜豆,食落去係一D味都冇同埋好粉!加上成碟炒飯好油同好重味精, 食完要不斷係咁飲水!!!之後個彩虹美式班戟其實都算OK但個班戟又係太乾, 係因為有個雪糕同好多果醬我地先覺得可以接受.我諗成餐飯食左半個鐘都冇, 埋單連加一總共179大元.我地入得黎都知道唔可能好高要求, 但呢間野仲差過荼餐廳, 個炒飯就要成100蚊!!我直情要佢找整紙比我, 真係唔直得我再比貼士我下次寧願去大排檔食個炒飯都冇咁嬲

父親節個日，同屋企人睇完場戲有啲肚餓就去左pancake colours食個tea, 上次黎已經係好耐之前既事，但印象中水準不俗，所以就揀左呢間歇一歇腳。店鋪裝修得幾有氣氛，不過假日人多所以有啲嘈，menu下午茶既選擇都幾多，我地三人點左兩個甜品，分別係草莓法式班戟及拿破崙千層。 等左一陣，食物好快就送到黎。首先個草莓法式班戟既草莓醬同個班戟既味道都幾夾，之前都係食芒果班戟多，估唔到草莓同班戟都係一個唔錯既配搭，加埋個透心涼既雪糕令到甜品更有層次和質感，唯一美中不足既係個班戟皮偏厚。另一個甜品係拿破崙千層。 就咁望落好似同普通餅店買到既西餅冇乜分別，但食落就會發覺佢個層次比較豐富同有口感，甜度亦適中，乃不錯既選擇。價錢合理，服務態度可接受，環境及食物質素中上，整體而言係喺鬧市中悠閒地食個tea既不俗之選。