三寶皇

Open Now

Now Closed

接完老婆收工，聽講話馬鞍山有間燒賣好好食，近排好出名嗰個 社交平台網頁介紹，而且都有youtuber去食過呢間燒賣，咁我哋就去試下，一嚟到見到有五、六個人排隊，咁我哋就即刻排啦，我哋叫咗煎釀三寶同埋梗係要試下佢個燒賣， 收錢同整嘢嗰兩個姐姐有啲手忙腳亂，去到我就嗌咗燒賣同煎釀三寶， 咁燒賣呢就爭一粒咁要等唔到六分鐘，咁我哋就話食住嗰個煎釀三寶先，正常無咩特別，唔會話唔好食，到燒賣蒸好，放入口食個陣，有一種似曾相識既味道，係好食既，不過個味實在太似某間連所店，我屋企樓下就有一間我都成日食，而且連所店味道會比較好，不過就較貴，如果住附近既就可以幫下小店，香港地既租實左太貴，不過如果食過我講個間連所店既話，就會知道我講乜，不過可能咁岩得咁橋個配方差唔多所以味道咁似。