海天亞洲漁港 (Closed)

情人節仍然係打邊爐...德興等成十張桌，算吧啦六師弟!就去海天睇下~~有位喎!!今次我地無亂咁勁點，好量力而為，逐樣好小心咁點。都係個ｄ大路野，肥牛啦、丸啦(今次叫少左好多!!)、雞子啦、魚啦、墨魚滑啦、牛肉滑啦、韭菜餃啦...最得意係有牛肉粒，唔知會唔會好韌？ｄ野食係一隻大碟咁上架，又幾好喎!!唔駛成桌都係一碟碟食物迫到死，而家一隻碟一次過搞掂。牛肉粒幾林幾易咬，不錯呀。其他食物都算中規中矩。飲品任飲，不過飲到中途話無晒蔗汁，下？後尾個位女侍應話幫我地睇下，結果又有喎...佢仲對住我男朋友講：「見你咁靚...最後一jar黎架...」....-__-!!! er.....醬汁係自己出去個"自助混醬bar"度撈的~~哈~~唔知係d醬汁定湯，d味精超級勁，勁到我地第二朝喉嚨都仲好乾好涸...價值貴左點...都係德興好d，不過都唔係話太差gei。服務ok，會成日問我地洗唔洗加水。