海天亞洲漁港 (Closed)

去了這間食晚飯.....$2888 - Set Menu 如下:- 乳豬全體 - 尚算ok... 幾脆- 珍寶大蝦仁炒青豆 - d蝦細個5蚊, 都叫自己做珍寶.....都係攪笑- 冬菇扒豆苗 - 明明扒豆苗.... 又唔交代聲.... 最後變扒生菜....- 原隻鮑魚扣金錢 - 叫乜扣金錢....原來係冬菇...個汁跟扒生菜的一毛一樣.....- 老虎斑 - 條魚黎到一開就散哂.... 仲話係靚魚....真係嬲.!!!!- 炸子雞 - 尚算ok- 糯米飯 - 唔知... 無食到- 精美甜點 - 唔好味的紅豆沙........ 連咁簡單的糖水都煮得咁差..... 真係- 環球生果盤 - 何謂環球?? 真係唔係好明...... 放了12個柑上枱就叫自己o個個係環球生果盤.....set menu - 過份誇張...... 取巧.....名不乎實......除了我們... 隔離枱的貴客都食到嬲....見埋總廚....... 真係人人都食到氣憤!!!下次大家都係幫趁過黎間把啦....!!!!

jan, 22, 10好想飲茶食點心,共5人嚟lunch,叫咗 : 1) 鮑汁雞腳 (hk$32)-侍應抱住呢sell,友人就要咗呢個-隻雞腳漲卜卜,有皮又有膠性,不過就唔多入味,又唔多覺有鮮味-只見友人們"畢"d汁同底下嘅花生嚟食 2) 瑤柱珍珠雞 (大點)-合格 3) 蜜汁叉燒包 (小點)-呢個無試到 4) 海皇煎薄罉 (大點)-顏色假咗d,好少見有咁黃-不過煎得邊也脆,偶爾食到墨魚鬚片-味道無問題 5) 鮮蝦炸雲吞 (中點)-呢個我無試 6) 江南素鵝 (hk$32)-我第1次食到呢個用脆漿炸嘅做法-不過呢個餡比起平時食京川滬式嘅素鵝多料,有紅蘿蔔條,中芹條,冬菇條同金菇,所以香味重好多 7) 薑蔥鮑魚撈粗麵 (hk$68)-估唔到咁大碟-不過入口就食到鹼水味,又無嘜鮮味-勝在粗麵無有腍 8) 1000層馬拉糕 (中點)-幾有花生香,而且軟熟,有密度-不錯

太座約了兩位舊同事茶敘，臨時想我出席，早知不吃午膳留肚。建議去「海天」，因為大家「就腳」，兼款式較西式多元化。下午茶市，一早已坐滿人，要等十來分鐘才有檯，我讓人客在點心紙揀選食物，她們點了沙薑雞腳，牛柏葉，叉燒包，牛肉腸粉，紫菜水餃，豆腐花和南瓜餅，及後我提議每人要一隻蟹粉小籠包和見每檯都點的燒鵝米線。蟹粉小籠包每隻賣 $6.8，皮不夠薄，肉餡吃到些蟹肉的味道，和流出黃色的油，算不錯。牛肉腸粉的皮拉得很滑，牛肉都給梳打粉蹂躪得無肉味，紫菜水餃，是豬肉餡水餃，湯面放些紫菜罷了，味道較淡，沙薑雞腳頗大隻，我不愛抁雞腳，看也沒看多眼，但極愛鴨腳和鵝掌，真奇怪。燒鵝米線為下午茶巿之特價推廣，賣 $4.8 一碗，鵝肉豐腴，米線也爽滑，還有菜心兩條，吃罷已肚滿腸肥，其餘的點心都不吃了。這店的點心普遍來說都過得去。三個女人不一定是一個墟，三個都是好老婆，難得有機會約出來見面，便由得她們細聲講大聲笑，自己陪坐一會，放低銀兩，便先行告退，讓她們談得更放！

由於見到雜誌介紹所以特登同同學到此打邊爐結果事與願逄現實同雜誌介紹既差好遠首先我地遞紙遞左好耐都未有野食到催個部長又話廚房唔夠人仲懶風趣咁叫我地自己入去執服務態度極劣-_-第2就係次次黎親都係菜1碟肉都冇叫左好多次先有1,2碟肉到但其實我地寫左4,5碟打邊爐冇肉食點得架???!!!最後就係明明話啤酒汽水任飲但又得幾罐可樂冇晒個陣問佢佢又話已經出晒d可樂點知到我地埋單個陣又有個人攬左2箱可樂出黎-_-不過其實d火鍋料都唔係好差既只不過服務態度有待改善!

其實我對灣仔火鍋一向唔太過熟悉, 但為方便老友, 而老友又想去打邊爐, 我便很隨意的找了"海天"以下是我對海天打邊爐 的comment:要求裝修華麗的酒家, 請不要找灣仔海天要求精美特別火鍋料, 請不要找灣仔海天但為何我不是劣評呢?要求坐得舒舒服服, 請找灣仔海天 (座位之間的空位好闊, 老牌酒家的特色)要求唔吵鬧的環境, 請找灣仔海天 (酒樓中都算很靜, 或者人真係唔多掛, 昨晚THUR 去, 大檯都有幾張無客)要求價錢平平平平, 請找灣仔海天 (酒水(有7up, Pepsi, Brick 啤酒, 竹䉀水一渣) /醬料任攞, 真正的任攞, 放在酒樓中央位, 任你去攞, 雖然自己其實都唔飲得多, 心理上覺得好鬼抵, 有姑寒的感受, 或者是 無劣評的原因, 值得一讚) , $220 兩個人, 真正任飲任食, 2100後 應該係 $90 樓下(有特價, 但實價不確定)正正由於我只想與老友聚一聚, 又怕太多人, 竟然食物不是第一位, 這裏是達至這個目的的好去處....

大家注意:2至6位, $88 晚飯孖寶, 半隻雞 (勁細隻, 幾個人每人兩件無哂!),海斑一條 (無錯, 樓下poster張相同文字都係話一條, 但上檯係斬件, 得6至8小件, 分分鍾唔夠分)好似睇你$88兩樣, 都唔敢出咩聲咁, 不過名不符實, 就有d唔老實啦!

星期日早上11點多到海天飲茶入到去俾帶位收左張飛之後就比人叫等等等左10分鐘企係路中心都無人理囉之後自己搵張"台"搵到之後"台"都未執又係坐係度得個等字d waiter好似當你透明咁叫左勁耐先有人理叫個阿姐黎執"台"好似我得罪佢咁, 勁大聲話"咪執緊囉"喂, 執台係係佢既duty, 唔係叫佢去死, 咩態度呀!都算, 叫野食, 叫6樣野2個人食等半個鐘黎得個2樣叫waiter跟下, 佢聽完就走左去, 完全無理到叫個西裝友黎..佢仲要串串下咁問, 叫左幾耐呀等多陣啦...等, 等多15分鐘水都冇人黎添咁梗係走啦..都唔想等佢黎埋單直接走到去counter俾錢點知個八婆好串咁話"嘩, 2碟野食咋喎"我咪話係呀, 你自己走去廚房問其他野食係咪仲係街市買緊材料囉真係頂...等左個幾鐘得2碟野食仲要比人串, 真係火都黎埋!!想 train up下自己eq既, 我鼓勵你地去試下!!!

以為就腳到此酒樓吃飯，估不到真的可以《差》到那樣地步。 第一，所有侍應像催交租的包租婆一樣問完又問我們想點什麽菜。 第二，問一個像部長的人片皮鴨能不能有半只賣，最早他說可以的，但是問他多小錢就馬上改口說要問問。不知道您就不好隨便答我們啊。最後回來之後就話不可以（激奀！） 第三，片皮鴨在餐牌上只是寫一隻，但是沒有寫明是否一吃，要是兩吃又收多少錢為何不寫明？ 第四，片皮鴨完全不是那回事，肥肥的一層層膏但是奇怪的是一丁點兒鴨肉也沒有，師傅的刀法如神，留點鴨肉也不會蝕本喔。 第五，經理（西裝人）奉旨不會理會您茶壺是否沒有水要添，您叫他們他們也是叫侍應過來沖水。 第六，搞推廣，9.8元一個冬瓜盅但是又很多要求，一定要每天三點前預定，怪不得那樣多臺客人在咕嚕咕嚕的不滿意。 又令我想起政府的新禁毒宣傳片中的口號---”天造之材；不進迷陣“，以後又神秘送的食物的酒樓也許是一個迷陣，不要再去。

今日去開會展就同媽咪黎呢度飲茶之前一直都有黎但有一次食過好難食就有一段時間都無黎ｌｕ．．．今日又再黎食下睇下有無進步到我地叫左：燒鵝瀨"佢d燒鵝幾靚wor....好多肉...而且塊皮都幾香d瀨粉好散好難夾...貴妃雞米線"呢個無燒鵝瀨咁好因為雞唔係咁靚..無咩雞味，而且又肥同D瀨粉一樣，勁難夾搞到成檯都係 ><流沙包"麻麻地，佢係好流沙...不過成個包其實無咩味食到有蛋黃...但應該係唔太靚既蛋黃...有D硬而且又係無味蝦米腸"呢個幾好WOR....煎得唔錯出到黎都係熱既而且都食到有幾多蝦米同餡豆沙角"勁多豆沙餡呀!不過個皮唔夠脆..好淋變左食落去口感麻麻但都幾好架啦飲左咁多野都係 $ 55! 幾抵!

今早到灣仔海天飲茶, 因無位所以在近門口加位, 因此沒有抬號, 上點心時我就覺得有點亂, 加上近門口有D唔知點!特價點心---鮮蝦菜苖餃 - 勁大隻, 放3隻都無位 (唔得影). 味道就一般, 沒有驚喜; 鳳爪排骨飯 - 就特別多排骨, 一般都只得2粒, 但D飯就過淋; 水晶包 - 就真係以包, 個皮比义燒包就皮薄D, 係呀沒講錯, 所以水晶包食完都包, 不過特價點心, 唔好有咁多要求啦.千層馬拉糕-就好正蝦餃拼潮州粉果 - 我就覺得好似只得潮州粉果, 因為我唔食粉果所以無食, 可能D蝦餃樣同粉果一樣~哈哈. 結果我地5個人叫咗10個點心要$130, 在灣仔來說不算太超值, 但D點心都幾大OK啦

掃幕之前跟家人一起先吃午餐,今年無得去新皇朝,改了大家也沒有去過的海天.入到去職員還在門口開會,最後搞到無乜人服務.到有人服務時成日都叫人食套餐,有點煩最後大家剔晒點心,等了15分鐘才到,最搞笑係一次過上晒,搞到連茶壼都無位放,又要急急地食呢蝦餃x2=蝦餃皮有點厚,鮮又唔夠新鮮,好一般燒賣x2=豬肉好淋,無咬口,皮又爛爛地,唔好食牛肉=無牛肉鮮味加上太淋,難食牛栢葉=麻麻地無乜味道叉燒腸-腸粉皮唔夠滑,叉燒太乾棉花雞=棉花入味,腐皮唔會太硬,不錯叉燒包-皮綿熟,叉澆夠汁,不俗奶黃包=蛋黃唔夠香,奶黃唔夠多同滑,只有少許流沙鳯爪=望見個樣都唔想食,最後食了一件,味道嘛,只有色沒有味蛋撻仔=蛋撻皮唔夠香,蛋也唔夠道墨魚餅-粉多,唔覺有墨魚粒,粟米份量也太少,再加上煎得唔香口,差劣之作食了20多碟點心,最後埋單410元,如己價錢來說十分經濟,只是食物味道一般,唔會有甚麼食物特別突出呢公平點講如依這個價錢來說也可以俾ok,畢竟價錢和食物一向也成正比呢

1月23日和同事一行18人到海天漁港吃午飯，食物都OK，但個甜品楊枝甘露就真係差極，沒有甜味，水汪汪，沒有芒汁及肉，只有少少西米粒和幾條西柚，奶水也很稀，但那個經理卻說很好，沒有問題。相信小學生也整得好過他們，還用個像日式茶碗蒸的小杯載，但收大點價，個經理態度非常差，和我幾個同事撐了差不多二十分鐘，簡直不知所謂，令人大開眼界！

上星期與友人行山過後，來到灣仔海天打邊爐，因為懷念旺角的飲飽食醉也不過是 $150。估不到灣仔與旺角的待遇咁遠，首先是冇肥牛可點，亦冇混醬供應；但質素其實不錯。湯底要海底椰豬骨煲，跟著都係大路的火鍋配料︰如︰鮮牛肉、金菇、鯪魚滑、羊肉、雞件、鮮魷魚等，眾多配料中，丸類尤其出色，最回味是墨魚丸，夠彈牙，又有濃濃墨魚香；貢丸、爆醬豬肉丸、手打四寶丸通通超水準；反而餃不太行，餡偏少。今餐每人任飲啤酒、酸梅湯和芧根水都係 $104，都係遺憾在冇肥牛。

今天同我家人出街吃飯, 接我家人食飯前,我下午已經周圍打聽灣仔附近的酒樓有那裡好食!!我最後選擇"海天漁港",因為有好抵食的晚市套餐,又免加一免茶芥,so good!!我取了一張order paper看,如果我choose 4人的set 只是$392,4人set 包括每人均送一碗紅燒竹笙翅+可以選擇紅燒乳鴿(每位半隻)or沙薑少爺雞(半隻)+巧制精選海上鮮+3款小菜自選,如果6人用是$588有4款小菜,8位用是$784有6款小菜!我自選3 個餸主要都是清淡一點,不想太heavy ,我choose 豉汁帶子蒸豆腐,脆皮咕嚕肉,瑤柱金菇什菜煲豉汁帶子蒸豆腐不是太油膩,是蒸豆腐,好適合我們女士減肥中的美食,好大粒帶子...咕嚕肉都好脆口, 不會大多粉去炸, 如果啲汁多少少還好!!紅燒竹笙翅好一般,但不算差,加點雞絲會更好!!瑤柱金菇什菜煲白菜好fresh好爽, 好大煲好多菜,如果不放蝦米會比較適合,因為想清一點,不過都是我的口味,哈哈...沙薑少爺雞好正的貴妃雞,好滑,不會煮得過熟,點啲沙薑汁好好味,我都好喜歡食......巧制精選海上鮮是例牌魚,冇得選擇,是倉魚,份量適中,蒸得剛剛好, 用

奶皇流沙包真係好正斗。又熱又多奶皇，D餡混有少少鹹蛋黃碎，簡直係100分！粉果同豆苗餃個皮厚左d。其他好似腸粉，叉燒包，鹹水角，炒飯都OK。十個人每人都係五十蚊左右，算幾抵食！