Smokehouse Grill

Open Now

Now Closed

除咗嘢食，其餘一律0分嘢食係好食，嗌咗份和牛意粉，拼盤，甜品，嘢飲，和牛意粉係好食，牛肉入口即溶，拼盤普通，嘢飲甜品還可以。成間舖由坐低到離開都係八成空，講緊係星期六夜晚7點至8點，但係嚟到落單嗌咗杯嘢飲，半個鐘後都未嚟，問一問店員先發現Miss咗我張單，基本上冇乜人幫襯都可以漏單。試諗吓如果滿座，大家真係可以圍爐取暖。更離譜嘅係每次加單嗌嘢食，三個店員都盡全力避開我哋眼神，落單速度極慢，但係收嘢速度極快。我杯嘢飲都未飲完，佢問都冇問，好順手收走咗。食咗一個鐘多少少，已經急住叫我哋交枱，好似我哋阻住佢做生意咁，但係重複多次，佢間鋪係八成空。睇到樓下都有幾位食客投訴過呢樣嘢，睇嚟店主係唔睇OpenRice。