Asiri

Open Now

Now Closed

呢間日式料理係由一對日本夫婦開嘅，食物同裝修都係以北海道為主題🇯🇵Cafe以日系淺木色調為主，牆上仲畫左色彩繽紛的北海道地圖，幾有溫暖日本小店嘅感覺☺️小編本身係想去試好多人讚嘅左口魚西京燒$128，但見到有燒鰻魚定食$128(配飯、味噌湯、2款小食)🍱小編忍唔住轉左軚😂(相信大家都知道小編對鰻魚嘅愛幾深厚❤️)哩間嘅鰻魚同飯都係分開上，所以建議大家其中一款小食要叫溫泉蛋🥚然後將隻蛋撈飯食🤤小編覺得鰻魚燒得幾好食，好淋又唔會太咸，可惜份量實在太少，得4小件🙈另外朋友叫左新推出嘅豆腐牛肉野菜飯$108🐮都有味噌湯同溫泉蛋，但味道就比較普通無咩特別🤔同埋就係建議大家lunch hour早啲去食就唔洗喺出面排隊等位(中午12點或之前入座)🤫