Video
Read full review
2021-11-10
473 views
今晚好開心☺️去到尖沙咀嘅柏薈酒店食，喺尖沙咀東都幾方便，遠望維港又有另一翻感覺~5個人食咗~2000元(包括加一) 算係幾扺食嘅西餐，仲可以加198蚊飲3杯酒，不過今次就無試。佢一set 5菜，有餐包配蕃茄醬&牛油，佢先上咗冷嘅頭盤，帶子配大啡菇，都幾特別~跟住就上咗個熱湯，大蒜薯仔湯配風乾火腿，都真係唔錯，咸咸地嘅火腿再個薯仔湯添咗鮮味，原來呢個組合都好唔錯，值得一試。跟住就上咗signature 嘅中盤蟹餅，啲蟹肉真係好足料，真係啖啖肉，呢個絕對係其他餐廳俾唔到你。食過3個主菜，真係覺得牛係好食啲，好有牛味，鴨腿都唔錯，幾有風味，鴨肉又幾嫩，至於羊膝就一般，勝在夠大份，羊味唔騷。外加佢個黑松露?薯蓉幾好食，幾濃味，又幾creamy，都算有記憶點。甜品係一定要講！雪葩配Brownie，真心好好食，必試！好fruity，就算冬天食都覺得幾正，加上職員好有心思 寫咗句祝福語，仲要好好服務態度，好welcome你，又好主動幫你影相，介紹菜式，真係好唔話得。最後仲上咗餐廳天台睇景，如果拎埋杯酒上去天台飲，傾吓計，chill吓，真係無得頂。推介指數: 8/10作為酒店西餐，呢個價位無得輸，又有
去到尖沙咀嘅柏薈酒店食，喺尖沙咀東都幾方便，遠望維港又有另一翻感覺~
5個人食咗~2000元(包括加一) 算係幾扺食嘅西餐，仲可以加198蚊飲3杯酒，不過今次就無試。
佢一set 5菜，有餐包配蕃茄醬&牛油，佢先上咗冷嘅頭盤，帶子配大啡菇，都幾特別~
跟住就上咗個熱湯，大蒜薯仔湯配風乾火腿，都真係唔錯，咸咸地嘅火腿再個薯仔湯添咗鮮味，原來呢個組合都好唔錯，值得一試。
跟住就上咗signature 嘅中盤蟹餅，啲蟹肉真係好足料，真係啖啖肉，呢個絕對係其他餐廳俾唔到你。
食過3個主菜，真係覺得牛係好食啲，好有牛味，鴨腿都唔錯，幾有風味，鴨肉又幾嫩，至於羊膝就一般，勝在夠大份，羊味唔騷。
外加佢個黑松露?薯蓉幾好食，幾濃味，又幾creamy，都算有記憶點。
甜品係一定要講！雪葩配Brownie，真心好好食，必試！好fruity，就算冬天食都覺得幾正，加上職員好有心思 寫咗句祝福語，仲要好好服務態度，好welcome你，又好主動幫你影相，介紹菜式，真係好唔話得。
最後仲上咗餐廳天台睇景，如果拎埋杯酒上去天台飲，傾吓計，chill吓，真係無得頂。
推介指數: 8/10
作為酒店西餐，呢個價位無得輸，又有氣氛，職員又nice，真係誠心推介。
特此寫個食評
Post
