Med Chef (Closed)

今次同朋友去嘅餐廳真係比到我好大嘅驚喜。嘢食真係好好味題材又特別，好啱我哋壓力大嘅城市人。喺依間餐廳所有嘅菜式全部都擁有CBD（大麻二酚）可以令人放鬆又唔影響基本菜式嘅味道。一入到去環境好舒服，特別一提就係入邊嘅音樂令人好放鬆。首先同朋友嗌左個前菜—帶子蟹肉牛油果他他配薑油黑醋汁。味道好好！酸酸地最緊要係帶子份量夠蟹肉夠新鮮好開胃 ！而且有好鮮味嘅三文魚子同魚子醬，成個他他真係鮮味十足又唔會腥！之後叫咗個威靈頓三文魚。魚扒唔會太熟整得啱啱好魚啱啱好熟酥皮又唔會太厚太油膩！特別要一提佢嗰個秘製醬汁，好香香草味同三文魚好夾！最後嗌咗個頂級肉眼扒，想特別一提佢嗰個炸蓮藕片，真係超好咪又脆又香。佢肉眼雖然唔似出邊咁厚但肉味十足！煮得啱啱好！佢同出邊嘅口味唔同佢配左個阿根廷醬令到個肉味更加出色