Video
Read full review
2022-12-05
3443 views
好彩唔係自己畀錢 , 係人哋請我去, 自己畀錢食d咁嘅嘢, 一定唔嚟! (同場幾個同事都係咁講, 唔係淨係得我一個咁講㗎, 香格里拉品牌夠大, 但啲嘢食唔掂呀)晚上自助餐 起碼都七百蚊以上卦. 唔好意思問人哋幾錢, 但叫得香格里拉 都唔慌平.最頂唔順就係, 竟然係啲cheap到暈嘅食物! 大佬, 食一樂燒鵝、泰昌蛋撻、安利粉麵........我使乜畀幾百蚊喺度食呀? 燒肉類 只得一啲鞋都飛起嘅燒牛肉, (上面好似話有和牛喎. 但唔見有囉) 好似仲有火雞, 但我真係冇乜興趣.雪糕唔知乜嘢牌子, 冇留意, 但甜到飛起 , 食過一次已經唔想再食 , 嗰啲甜品蛋糕又係過份甜, 只係攞咗一轉. 生果係一樽樽擺好曬, 冇得揀. 蜜瓜西瓜都唔係甜, 菠蘿酸到爆, 食咗一轉, 咪搞!一大堆蒸瀨尿蝦, 蜆, 花甲, 蒸到冇曬味 食落口都唔知係乜! 竟然仲有蒸燒賣, 大佬, 呢啲燒賣值幾錢呀? 喺呢度食? 真係冇嘢好講!燉湯, 就喺泰昌餅家嗰個位嗰度
晚上自助餐 起碼都七百蚊以上卦. 唔好意思問人哋幾錢, 但叫得香格里拉 都唔慌平.
最頂唔順就係, 竟然係啲cheap到暈嘅食物! 大佬, 食一樂燒鵝、泰昌蛋撻、安利粉麵........我使乜畀幾百蚊喺度食呀?
燒肉類 只得一啲鞋都飛起嘅燒牛肉, (上面好似話有和牛喎. 但唔見有囉) 好似仲有火雞, 但我真係冇乜興趣.
雪糕唔知乜嘢牌子, 冇留意, 但甜到飛起 , 食過一次已經唔想再食 , 嗰啲甜品蛋糕又係過份甜, 只係攞咗一轉.
生果係一樽樽擺好曬, 冇得揀. 蜜瓜西瓜都唔係甜, 菠蘿酸到爆, 食咗一轉, 咪搞!
一大堆蒸瀨尿蝦, 蜆, 花甲, 蒸到冇曬味 食落口都唔知係乜! 竟然仲有蒸燒賣, 大佬, 呢啲燒賣值幾錢呀? 喺呢度食? 真係冇嘢好講!
燉湯, 就喺泰昌餅家嗰個位嗰度, 就咁擺個牌響度, 行過根本冇乜留意 , 就會唔知道有, 見人攞先知嗰度有得攞, 味道算ok,
另外有一款老火湯..........係咪加咗水落去?? 淡而無味! 咁都畀得人食? 真係冇嘢好講!
泰昌個位有煎鵝肝, 冇人排隊.....都知唔慌好嘢, 食落成舊油, 同之前食開嗰啲係唔同味, 我唔識點形容,
其他熱盤 , 都係一啲好so so 嘅嘢 我食過兩款, 算了吧.
個餐包一杯飲品, 有咩揀? 淨係得奶茶咖啡檸檬茶嗰啲嘢, 想要果汁又話要加錢! 飲杯果汁都唔係好過份啫. 我覺得呢啲高級自助餐整個汽水機比人自取都得啦, 孤寒成咁.
特別食品會響鐘, 就係嗰個所謂火焰雪山 一般so so 嘢 , 又唔係好食.浪費了我個胃啲quota.
海鮮, 有麵包蟹, 長腳蟹(鹹到不得了, 兼夾幼到兩支筷子咁幼, 食咗兩舊 鹹到頂唔順) 龍蝦, 青口, 蝦, 螺呢啲基本嘢,,,大佬, 高級自助餐竟然冇生蠔. 真係太過份!
壽司檔冇行過埋去 得幾款魚, 反而擺喺度d煙三文魚算係幾好食.
最後食到真係冇嘢想食, 又好似好滯咁, 走去安利魚蛋粉, 叫咗一碗丸 (每樣一粒, 再加兩條生菜) , 反而覺得係成餐最好食!
總括而言 呢一類港式食物自助餐, 我真係冇乜興趣, 如果有外國人, 帶佢哋食下香港本地嘢, 一次過食曬嗰幾間嘢 , 都可以咁樣去理解, 但本地人真係唔建議去食囉, CP值不足 兼夾唔係太好食, 畀得起呢個價錢 , 應該仲有大把選擇.
Post