鬼金棒

Open Now

Now Closed

其實我之前係日本已經有食過鬼金棒，當時仲排咗好耐隊。當晚去到旺角分店啱啱好剩返四個位，我地坐左係bar枱到。手機SCAN QR CODE落單，可自選辣度同麻度，等咗15分鐘左右就有麵食啦。餐廳好貼心有提供圍裙，唔使食麵彈到啲汁落件衫到。呀媽果碗係多芫荽，我果碗就係多玉米筍，條條都好爽口，嚿厚叉燒係半肥瘦，有好多芽菜，粗身拉麵好彈牙。由於太耐無食所以穩陣起見我哋嗌咗小辣，對於我哋兩個嚟講都係唔夠辣，下次嗌中辣應該啱啱好。🍜玉米筍辣麻味噌拉麵 $105小辣小麻🍜莞荽辣麻味噌拉麵 $115小辣小麻🥟煎餃(六隻) $45熱辣辣，個皮好薄脆。