天勝

Open Now

Now Closed

天勝終於考完試，當然要去食好西，今次就揀咗銅鑼灣一間樓上嘅日本菜，環境清幽得嚟交通又方便。店舖係傳統日本餐廳嘅裝修，一入到去就有侍應遞上兩杯熱茶，十分貼心。午市選擇頗多，有海鮮丼，定食，麵等等。我同朋友就揀咗一個海鮮丼同刺身定食，一開始有三個前菜，包括沙律，茶碗蒸，同小菜一份，個樣都幾精美。其中最推介佢嘅茶碗蒸，啲蛋滑得來又香，要記得趁熱食。沙律就普普通通，不過加咗芝麻醬都幾好食。嚟到主菜，我嘅刺身定食有五款刺身，包括甜蝦，魷魚，吞拿魚，全部都好新鮮。另外仲有白飯同埋味增湯，份量都適中，一開始以為會食唔晒，但其實就啱啱好。下次會再嚟。