Video
Read full review
2024-12-21
58 views
因為上星期食過一次覺得幾好食，今日再約朋友去食lunch。話說我地今日(21/12) walk in, 入座時間1:23pm, 入座時肯定無同我講過要限時交枱，因為當時餐廳只是一半枱滿。但由於窗邊枱已滿，我們就坐在餐廳入面的枱。約20分鐘後，我們點了的三碟食物已送到，同時有一張靠窗的枱有人離座，我和朋友就有禮地問待應可否調過去坐？因為我們座的位置比較擠迫和嘈吵，而且當時靠窗位置都有兩三張枱離座，加上當時不算太多客人，門外亦無人等候座位。待應聽了我們的調枱要求，就請示店鋪經理（店鋪經理是年輕女士，中直啡髮，今天穿白背心），怎料店鋪經理面色即時變得黑過我老闆，一臉不耐煩，語氣非常不滿地說： “你地張枱都係限食一個鐘，做乜要轉枱。” 朋友繼續以好有禮貌的態度解釋，我地想傾嘢，這邊有些嘈吵。經理聽到後，再以黑過包公的面色和一臉不悅，講：“你地一個鐘就要交枱，傾都傾唔到乜啦！” 之後就極度不情願地表示：“調啦～” 調枱時我地都有自己協助拿食物過去，但經理幫我地拿食物過去另一枱時，放下碟子時是有發出碰上枱面的“嘭嘭”聲的，再一次顯示佢極不情願的態度。首先，店方在我地入座時肯定無提過一小時交枱，因
話說我地今日(21/12) walk in, 入座時間1:23pm, 入座時肯定無同我講過要限時交枱，因為當時餐廳只是一半枱滿。但由於窗邊枱已滿，我們就坐在餐廳入面的枱。
約20分鐘後，我們點了的三碟食物已送到，同時有一張靠窗的枱有人離座，我和朋友就有禮地問待應可否調過去坐？因為我們座的位置比較擠迫和嘈吵，而且當時靠窗位置都有兩三張枱離座，加上當時不算太多客人，門外亦無人等候座位。
待應聽了我們的調枱要求，就請示店鋪經理（店鋪經理是年輕女士，中直啡髮，今天穿白背心），怎料店鋪經理面色即時變得黑過我老闆，一臉不耐煩，語氣非常不滿地說： “你地張枱都係限食一個鐘，做乜要轉枱。”
朋友繼續以好有禮貌的態度解釋，我地想傾嘢，這邊有些嘈吵。經理聽到後，再以黑過包公的面色和一臉不悅，講：“你地一個鐘就要交枱，傾都傾唔到乜啦！” 之後就極度不情願地表示：“調啦～” 調枱時我地都有自己協助拿食物過去，但經理幫我地拿食物過去另一枱時，放下碟子時是有發出碰上枱面的“嘭嘭”聲的，再一次顯示佢極不情願的態度。
首先，店方在我地入座時肯定無提過一小時交枱，因為有提的話我們一定不會入座；第二，在店舖未滿座的情況下，我們的調枱請求亦不過份？就算店方有權不讓我們調枱，也可以以正常態度解釋，我們也不會強求，何解要以這種“好似我地爭佢錢”的態度對客人？
我們自己受氣唔緊要，最可悲就是想到，香港飲食業還有人以這種“自以為是”的傲慢態度工作，還以為唔休做，如何同內地競爭？留港消費反要受氣，香港人好心爭下氣啦～唉！
呢間泰菜，味道幾好都無用，咁嘅服務，仲要係經理🫣希望餐廳的管理人員睇到調整一下，否則都唔會再幫襯😡😡😡
食物評價：我地叫左三樣嘢食：碌柚沙律、蝦膠皮蛋、豬肉片炒河粉。三樣嘢的味道都ok嘅，但服務和用餐體驗太差，食嘢食到咁受氣！
Post
