Undici

Open Now

Now Closed

平日晚上，兩個人光顧咗呢間好多人都嚟打卡嘅樓上Cafe。估唔到平日既夜晚七點左右都坐滿晒人。我地叫咗兩個主菜，另外加咗$48連精選甜品，飲品及龍蝦湯。🍛招牌名古屋大阪燒鰻魚意大利飯（ $158 ）：鰻魚非常之大條，蛋亦煎得夠嫩滑，個底係充滿蘑菇嘅意大利飯，整體感覺不錯。🍝蒜香辣椒蜆肉意大利粉配軟殼蟹（ $138 ）：軟殼蟹炸得香脆可口，入邊仲有蟹膏，但略嫌調味有少少淡。但蜆肉意粉微辣夠味，整體尚算不錯。🫕櫻花濃蝦湯：櫻花蝦十分足料，湯底濃郁及有少少微辣。🍰甜品揀咗榛子摩卡海綿蛋糕蛋糕及朱古力芝士蛋糕：芝士蛋糕口感結實，值得一叫。🍹凍檸茶及凍檸水：不過不失，唔係太甜。埋單兩個人連加一大約$440左右。