Video
4-min walk from Exit A, Causeway Bay MTR Station
continue reading
Telephone
28108488
52224910 (WhatsApp)
Opening Hours
Today
12:00 - 16:00
18:00 - 22:00
Mon - Sun
12:00 - 16:00
18:00 - 22:00
Above information is for reference only. Please check details with the restaurant.
銅鑼灣嘅Cafe好多，不過有質素又抵食嘅其實唔多，今晚去嘅Undici，就真係幾抵食。抵食在於，普通意粉120幾起，可以+$66，有埋黑松露湯、自選飲品(靚靚咖啡都得)同蛋糕甜品，呢個組合其實真係幾唔錯。另外可以再+$28任食蛋糕，有六種味道嘅蛋糕任食實在太誇張。不過今日喉嚨痛，就食住跟餐嗰件先。芝士秘撈薯條 $58其實佢份量一啲都唔少，但由於嚟到嗰陣我哋肚餓，兼且好好食，又熱又脆，加上少少辣味，一陣就俾我哋秒殺咗。脆炸無激素雞翼配香辣蛋黃醬 $58平平無奇嘅5隻炸雞翼，就因為落咗呢個香辣蛋黃醬，變到非常立體。呢個香辣蛋黃醬，有少少辣香，同熱辣辣新鮮炸起嘅雞翼，加埋真係相當不平凡。蒜香辣椒蜆肉意大利粉配軟殼蟹 $138外型有一大隻軟殼蟹，但其實呢個意粉嘅核心係蒜香同辣椒嘅意大利粉。首先佢嘅意粉相當乾身，唔會有一浸油喺底。佢嘅蒜香同辣椒味道好出，當然食物會有少少辣味，加上蜆肉同軟殼蟹，惹味非常。每叫一個意粉，就可以跟餐+$66，有埋以下:黑松露野菌湯好明顯食到黑松露油香，相當唔錯抹茶豆腐拿鐵 (或其他非花茶飲品) 好似飲咗豆腐花嘅抹茶拿鐵，非常好飲，唔會太甜，但同時有甜品嘅影子。不過我最欣賞佢係可以揀晒所有特色咖啡，在場所見Oreo亦非常靚仔，下次可以試吓。精選甜品 - 就係喺六件蛋糕之中揀一件，我比較欣賞佢唔係指定，而係有得揀，喺跟餐嚟講算不常見朱爺咖啡 $42另外，我哋叫多一個，表面上係飲品，實際上可以充當買甜品嘅朱爺咖啡。呢個朱爺咖啡就係朱古力同椰子雪糕，在淋上熱熱嘅咖啡，實際上就好似affogato咁，將雪糕同咖啡嘅味道完美融合。靚嘢食、靚嘢飲、特色甜品兼有放題選擇，當時今日嘅Cafe，實在唔簡單，難怪都有唔少食客慕名而來。
continue reading
之前一早已經book咗銅鑼灣這一間人氣Cafe。今日終於和朋友前往銅鑼灣後，預約前往。餐廳接近7:00的時候，幾乎滿座，如果前往建議預約。最後我們叫了以下食物。1.招牌名古屋鰻魚大阪燒意大利飯（ $158）非常IG Able的一道菜，不只賣相吸引，味道亦都非常豐富。他們用上肥美的鰻魚，佈滿了我最愛的滿滿的蒲燒汁，配上香滑蛋香味濃的滑蛋，和大板燒的意大利飯，十分喜歡 這個配搭。2.蒜香辣椒蜆肉意大利粉配軟殼蟹（ $138）意大利粉的質感是我喜歡的，非常開胃及惹味的一道住食。他們用上蜆肉和帶有蟹膏的軟殼蟹。軟殼蟹炸得金黃酥脆，且帶有蟹膏的香氣和口感。配上他們的蒜香辣椒醬汁，非常惹味。3.脆炸無激素雞翼配香辣蛋黃醬（$58）另外我們叫了一道小吃，雞翼炸得非常香脆，配上大量的香辣蛋黃醬，口感豐富。4.升級套餐（+$48）抹茶芝士蛋糕｜黑松露忌廉湯｜熱美式最後升級套餐，升級套餐包括有黑松露忌廉湯，飲品，自選蛋糕一款。他們的蛋糕相對細小，但非常滿足，為這一道晚餐畫上完美的句號下次可以試試他們的甜品放題。
continue reading
【$28蛋糕放題？銅鑼灣高質特色水泥風Cafe❤️🔥】工作壓力大？梗係要食甜品放鬆下，任食蛋糕😍，呢間銅鑼灣工業水泥風cafe以灰白色為主tone，型格時尚，打卡一流！更不得不提：📣$28蛋糕放題📣只限星期一至四，6款口味任君選擇🥰‼️🔶原味芝士 🔷朱古力芝士🔶抹茶芝士 🔷柚子芝士🔶奶茶海綿蛋糕 🔷榛子海綿蛋糕🔶抹茶芝士蛋糕細膩嘅抹茶味與濃郁嘅芝士融合，細膩順滑，甜而不膩。🔷奶茶海綿蛋糕奶茶控注意‼️海綿蛋糕輕盈鬆軟，帶有淡淡的奶茶香氣，值得一試！！🔶番茄照燒汁炸雞煙肉意粉 $128炸雞超級香脆！食落去微辣，但愈食愈惹味，好似麥炸雞嘅感覺🤤🤤意粉融合了濃郁的番茄照燒汁，口感滑順，醬汁的酸甜得宜，愈食愈開胃🤤。🔷明太子意大利粉配珍珠帶子 $128以濃郁的明太子醬為基底，帶有海鮮風味，搭配新鮮的珍珠帶子，味道清新。🥰🌟+$66升級套餐：餐湯、特色飲品及甜品🤍🔶抹茶豆腐拿鐵口感順滑，既有抹茶的清香，又有豆腐的細膩，喝起來既清新又不油膩，健康之選。👍🏻🔷特濃芒果乳酪果香四溢，清新的芒果甜與濃郁嘅乳酪融合，口感豐富，清新健康。#Laglag美食推介 #foodielagblah銅鑼灣#foodielagblah打卡cafe📍：Undici (銅鑼灣)銅鑼灣耀華街3號百樂中心11樓1101A-B號舖..............#銅鑼灣美食#銅鑼灣cafe#美食優惠#蛋糕放題#西式cafe#cake#樓上cafe#香港探店#美食推介#Undici
continue reading
星期六繼續發掘Cafe😌呢間食fusion菜，多款意粉、Risotto+$48有黑松露野菌湯、檸茶或咖啡、精選甜品 (六選一)+$66 有黑松露野菌湯、自選飲品、精選甜品叫咗一個小食、兩個main，upgrade兩個+$48 set▶️ 黑松露野菌湯用黑松露油畫咗哈哈笑俾我哋🤣幾creamy，味道偏淡如果有蘑菇渣咬吓更好🍄🟫▶️ UDC 凱撒沙律 ($108)賣相靚上面有煙三文魚花、蟹柳、蟹籽為沙律菜帶自然鹹香沙律菜咬落清脆🥬簡單配適量沙律醬▶️ 椰香冬陰功海鮮意大利粉 ($128)款式特別，食落帶微辣🌶️雖然唔係好冬陰功，亦冇乜椰奶味不過海鮮足料，有帶子粒、蜆肉、八爪魚、青口🦪意粉質感過熟咗少少，唔夠al dente但整體味道可以▶️ 招牌名古屋鰻魚大阪燒意大利飯 ($158)呢個吸引！勁大條肥美鰻魚😍肉質黏黏地且入口即融蒲燒汁味道濃厚但唔過鹹下面係蛋包飯risotto，飯一粒粒有質感👍🏻唔會一pat pat用白汁奶油煮，入味又creamy另外有雜菌蘑菇，食落多層次面頭灑上大量紫菜、木魚碎，日式風味UP▶️ Americano 香咖啡味，唔苦又唔酸配蛋糕食一流☕️▶️ 抹茶芝士蛋糕抹茶味頗濃唔假，有芝士香💚下面有薄薄一層海綿蛋糕，好食▶️ 奶茶海綿蛋糕三層海綿蛋糕夾雜忌廉海綿蛋糕輕身，未至於spongy濕潤味道食落較似白爵茶味🤭忌廉上面有啲開心果粒個人覺得芝士蛋糕好味啲hehe-「鰻魚大阪燒意大利飯」有特色，值得一試環境氣氛舒服，樓上店安靚啲，唔少情侶食客🤭佈置比較有藝術氣息服務都唔錯套餐抵食，賣單$200/人，已經有咁多野食🙂↕️平日星期一至四做緊蛋糕放題優惠，+$28可以任食六款精緻蛋糕🍰原來「汐」同「Unnie」都係佢地嘅分店，一間走日式，一間韓式～全部起銅鑼灣，方便！
continue reading
依日出左去行銅鑼灣，發現百樂中心 11/F 嘅 Undici Cafe，呢間樓上Cafe有驚喜，平日星期一至四 +$28 蛋糕放題，有6款蛋糕選擇，鍾意食cake既我一定唔會錯過啦 ~Cafe以灰色為主調，裝修型格，地方舒適寫意。餐牌上多款不同主菜選擇，有意粉、意大利飯、肉類、小食、沙律及飲品等等；另外，升級套餐優惠，只要揀 Pasta/Risotto/Meat +$48 可享有 : 櫻花濃蝦湯+精選甜品+特色檸檬茶/美式咖啡，另加$15可轉其他特飲(熱花茶除外)。椰香冬陰功海鮮意大利粉 $128依款選用冬陰功醬汁配意粉，感覺都幾特別。冬陰功帶香料味，少少辣，散發著淡淡嘅椰香，多款不同海鮮及蔬菜，青口、八爪魚、帶子、蜆肉、蘑菇、蕃茄等等，爽口鮮甜，搭配彈牙嘅意大利粉，每一口都咁滋味。廚師發辦 $128期待著既廚師發辦，一上枱好有驚喜！原來係喜歡嘅黑松露蘑菇忌廉意大利粉，片片芝士鋪面，意粉煙煙韌韌，彈牙順滑，濃郁嘅黑松露醬汁，香氣撲鼻，配合香滑忌廉同鮮爽蘑菇，與意粉拌勻食就更美味。櫻花濃蝦湯橙紅色嘅濃蝦湯，賣相吸引。蝦湯質地濃稠，甘甜濃郁，食落有櫻花蝦香味及櫻花粒粒，口感豐富順滑。精選蛋糕蛋糕有6款選擇，揀左抹茶芝士蛋糕及朱古力芝士蛋糕。抹茶芝士蛋糕散發淡淡抹茶幽香，茶味回甘，芝士同抹茶嘅兩種成份結合所帶來清爽嘅口感。另一件朱古力芝士蛋糕，朱古力味夠出，同樣食到芝士香濃，兩款口感好creamy，食多件都唔會覺得膩。特色檸檬茶一凍一熱嘅檸檬茶，同樣氣味芳香，味道酸酸甜甜，散發檸檬清香，好fresh。
continue reading