酒虎詩龍

Open Now

Now Closed

平日已經好爆，walk-in都好困難，記得一定要提早whatsapp訂位，仲預留定secret menu。用餐時間2個鐘，服務唔錯，上菜快手，態度友好，嘢食又好味，大推！*炭燒西班牙黑毛豬叉燒 $298需要whatsapp預算嘅secret menu。叉燒夠腍但不失咬口，炭燒味偏弱，醬油味比較突出。叉燒表面有層脆焦糖，特別但未算好夾。最欣賞有黃豆，單食定配搭叉燒都好味。金不換蜆煲 $168都係要預訂嘅secret menu。第一碟上菜，店員會沿煲邊淋上孖蒸酒，酒精揮發後會留低米酒嘅甜味。蜆肉飽滿，帶海鮮甜味，完全冇沙，金不換帶來泰式風味，湯底好甜帶酒香，大推！麻辣西瓜 $38非常有趣嘅組合，西瓜微甜多汁，配搭麻辣汁好大對比，有啲台灣小菜嘅感覺！雞皮仙貝 $48雞皮卜卜脆，略油但送酒好正。印式烤雞，青瓜青蘋果沙律 $98烤雞有四五塊，味道真係好似印度餐廳會食到嘅tadoori雞，香濃微辣帶炭燒味，又唔會好乾。沙律係青瓜絲、青蘋果絲，好清爽好正！香脆燒馬友 $68新鮮燒起，魚皮脆帶焦香，魚肉嫩滑，啖啖都係肉，份量合理。