御 ‧ 家上海

Open Now

Now Closed

康城終於有得食上海菜，於是帶埋小朋友一齊試，晚市開5:30，我哋5:00已經喺門口等，免得好似開張嘅時候排晒長龍有排等，要注意依間餐廳有個半鐘頭限食時間，侍應帶咗我哋入座，我哋嘅座位係望住康城溜冰場，小朋友特別開心，一坐低即刻點嘢食，小朋友request食金牌小籠包，上海粗炒，而我就點咗炸銀絲卷，上海擔擔麵，上菜都算快，食物質素中上，小朋友食過返尋味，話要下次再食過。金牌小籠包熱辣辣嘅小籠包，皮薄餡靚，肉汁鮮味，小朋友食咗之後都話有返喺上海食小籠包嘅感覺上海粗炒味道尚可，只可惜有少少過火嘅感覺炸銀絲卷外脆內軟，同煉奶非常匹配上海擔擔麵小辣嘅上海擔擔麵食落冇辣嘅味，下次可以點大辣