生記飯店 (Moved) New Location

食家朋友介紹過幾次呢度，一直等待時機嚟品嚐。襯住有親友又係中意飲飲食食，一於約嚟呢度試下。未嚟前有睇過 openrice 食評，食傳統嘢咁啦。因為太忙忘記咗訂位，等了半個鐘至有枱。點了食家朋友推薦嘅雞油蒸原條馬友，真係好，賣相好，魚夠鮮。餐牌上有好幾款功夫菜，考廚師手藝，例如魚腸，不過我唔識欣賞，所以叫了另一款「藕餅」，咸味ok，食完唔洗猛飲茶/水。嗰晚有幸，餐館送甜品「白糖糕」，又係考功夫，好食嘅係冇酸味，呢度做到。