Video
Read full review
2007-10-14
298 views
阿K好朋友同佢個寶貝仔到香港玩，暫住九龍站上蓋。湊住個細路，唔可以行得好遠，於是阿K响山林道誤打誤撞去咗「食神大賽」得獎食肆「太湖」食晚飯。由於要務在身，我差不多成八點半先趕到現場，阿K亦發晒辦點菜，包括得獎菜色「芝麻雞」、「沙薑雞腳」、「三菇扒腐竹」、「羌蔥籠仔蒸海蝦」、「瑤柱鮮蝦荷葉飯」、「脆腩片」等。首先品評一吓「芝麻雞」，話晒都係得獎作品，應該都唔會差到邊。食入口，咦！冇一種令人心裡「放煙花」嘅原素喎。不過公平咁講，雞嘅選擇已經唔錯，新鮮之餘肉質嫩滑，如果唔係話冠以得獎菜色呢個名銜，其實都係不錯嘅菜色。反之，「脆腩片」另我喜出望外，食材係牛腩肉，表面一層皮稍為炸至脆卜卜，非常香口，但唔會覺得肥膩。肉質鬆軟，唔會話食完之後攝入牙縫。雖然一檯人只有兩個人食牛肉，但係呢碟係最快清晒嘅一碟菜。「羌蔥籠仔蒸海蝦」選料比較一般，蝦味冇錯係有，不過冇乜海水嘅鹹味，還好有羌蔥扶助，已經比一般嘅蝦出色。似乎我已經食慣咗法國急凍空運到港嘅海蝦，味蕾已經被寵壞了。「沙薑雞腳」我要歸納為小食類，雞腳本身煮得幾入味，肉同埋根腱都很輕易咁一咄就骨肉分離，十分適合懶人如我一樣食用，乾手淨腳。「三菇扒腐竹」係
首先品評一吓「芝麻雞」，話晒都係得獎作品，應該都唔會差到邊。食入口，咦！冇一種令人心裡「放煙花」嘅原素喎。不過公平咁講，雞嘅選擇已經唔錯，新鮮之餘肉質嫩滑，如果唔係話冠以得獎菜色呢個名銜，其實都係不錯嘅菜色。反之，「脆腩片」另我喜出望外，食材係牛腩肉，表面一層皮稍為炸至脆卜卜，非常香口，但唔會覺得肥膩。肉質鬆軟，唔會話食完之後攝入牙縫。雖然一檯人只有兩個人食牛肉，但係呢碟係最快清晒嘅一碟菜。「羌蔥籠仔蒸海蝦」選料比較一般，蝦味冇錯係有，不過冇乜海水嘅鹹味，還好有羌蔥扶助，已經比一般嘅蝦出色。似乎我已經食慣咗法國急凍空運到港嘅海蝦，味蕾已經被寵壞了。
「沙薑雞腳」我要歸納為小食類，雞腳本身煮得幾入味，肉同埋根腱都很輕易咁一咄就骨肉分離，十分適合懶人如我一樣食用，乾手淨腳。「三菇扒腐竹」係眾多肉葷中嘅一股清泉，鮮菇味淡而香，配合腐竹，可中和一吓肉葷嘅肥膩感。最後加上一個荷葉飯，飯本身吸收咗荷葉嘅清香、瑤柱鮮蝦嘅甜味，令我十分之滿足。
成日有幸食到呢啲美食，無怪乎體重如近日恆生指數般嘅表現。我諗阿K要體諒一吓我，我都係身不由己而已！是次消費平均每人約二百蚊(共四人)，廚師實力勝在四平八穩，雖然驚喜欠奉，但唔會太令人失望。
Post
