太湖海鮮城 (Closed)

食物一般，不過食物價錢尚算合理以這樣質素，服務生態度還好，衞生也ok，不過用佢地泊車服務，泊一小時，車身被劃花了，代價太大，山林道這條街的環境及治安問題太複雜，唔值得再去。

2018年2月24日，去了食午飯，去到差不多成2時半，啲人都走得七七八八，個經理見到我們2人入來，竟然叫我們坐門口位吹風，我見到明明近牆有張枱都唔叫我們坐，可能嫌我們阻住佢收工。之後，我們要求調枱，個經理黑口黑面，又可能當時正是農曆新年，唔鐘意我們唔俾利是。我們叫了個 蒲式肉丸福袋， 啲肉好鬆唔好食，還有兩碗糖水，我們懷疑佢地叫廚房做了手腳，因為食完第二天我肚瀉了五次。整個用膳啲經理同樓面沒有禮貌，反而送菜阿姐更有禮。

襯今日初七人日，同屋企人去玩佐成日，再去聚會，有大人同小孩，所以去太湖海鮮城食晚飯，嗌咗五個餸&一個炒飯，嗌咗牛扒、芝蔴雞、得獎炒飯、 燒烤雙拼、豆腐煲……覺得食材新鮮， 烹調能突顯出每種食物嘅鮮味&特性，加埋啤酒就真係絕配……

團年飯差唔幾年年都去太湖，今年食咗兩樣個人覺得幾好食嘅餸同大家分享一吓。百合翡翠炒班球 - 啱D鐘意食完又唔想Lun骨嘅人，班塊好鮮再配西芹送飯一流上湯中蝦煎米飯，中蝦煮得好淋但亦保存到鮮味，底部有炒米粉墊住，撈埋d汁，極惹味！

相信大部份朋友對太湖海鮮城呢個名字一啲都唔陌生。太湖可以話係老牌酒家中嘅表表者。午飯時間有點心，夜晚有小菜丶海鮮。的確係同家人聚餐或者做節嘅好地方。但係大家有冇諗過午飯時間同幾個飯腳一齊去太湖食佢嘅小菜海鮮呢？呢一篇食評我主要係想推介一味上湯龍蝦煎米底俾大家。何謂煎米？就係將米粉壓成一餅，底面煎至乾身丶香囗。試諗諗喺脆卜卜嘅煎米上面再淋上上湯龍蝦。龍蝦係波士頓龍蝦。龍蝦肉非常彈牙，上湯汁稀結適中，味道恰到好處又唔會搶咗龍蝦嘅鮮味。煎米非常香口，再點埋呢個上湯汁…真係無敵嘅組合啊當然如果你多人一齊食嘅話可以叫多過一隻龍蝦，又或者加啲錢轉做大隻啲嘅加拿大龍蝦。我同三位飯腳點咗一碟上湯龍蝦煎米底（加底），一碟燒味拼盤，一個菜，埋單大約百三蚊一個人。工作日嘅午餐嚟講唔算平，咪當平時做嘢咁辛苦，間唔中慰勞下自己囉。

今晚唔知點解朋友約咗嚟呢度食飯，個人嚟講真係食到一肚氣！好簡單，三個字：又貴又唔好食！呢間字號相信睇開大台嘅人都一定聽過，佢賣電視廣告嘅模式10年不變，只係不停標榜佢d所謂名菜得到啲乜嘢飲食大奬之類之類，感覺絕對係hard sell之中嘅hard sell！今晚餐飯味道完全唔掂，性價比差到一個點，完全冇心機影相，後尾食完覺得要寫食評，唯有補影餐牌，影埋個價錢時，真係嬲上加嬲呀！金絲三味豆腐（ ＄108 )：聲稱為得奬菜式，係一碟有五種豆類製品食物嘅拼盤：炸豆腐～好䬣、滷水豆皮～好鹹、醬油黃豆～好鹹、拔絲炸豆鬆～唔鬆脆、皮蛋伴滑豆腐～醬油汁超鹹。唯一僅餘可取之處，皮蛋係溏心。三弄回味牛肉（ ＄188 )：聲稱為得奬菜式，所謂嘅三弄相信係三個煮牛肉嘅步驟，食得出牛肉炆完之後，上粉落油鑊快炸，然後再用醬汁回鑊，然後切片，再夾上青瓜片，然後面頭灑上彩椒粒。牛肉炆得算淋，可惜太入味，味道非常鹹，而醬汁嘅味道又係好鹹，配上青瓜片，只能僅僅中和少部份嘅鹹味。唯一可取之處，口感好特別，因為牛肉有脆皮，再加上爽脆嘅青瓜片，食落口感複雜而有趣。但係，佢又配上一碟炸蝦片，相信用來夾住嚟食，但感覺九唔搭八，因

對上一次黎山林道太湖已經是半年前的事了，因為上次食物水準不穏定，都有一段時間冇幫襯。趁着五一勞動節就同屋企人同親戚吃飯，決定俾多次機會佢我地點左以下食物。冬瓜盅正呀有大約八碗份量，又足料正呀，隻隻都肥美雖然係椒鹽，仍然食到鮮味，仲好惹味好滑好鮮味勁勁勁正，值得推介最正就係層皮好香好脆呢道菜就好差，啲菜林晒，食落好似'莓'左咁炒得夠乾身，唔錯啊總結: 雖然一段時間冇來，今次嚟到有驚喜水準好過之前好多。會再光顧

I'm visiting Hong Kong and ventured to this branch for the award winning dishes! There was nothing like the descriptions on their menu in Chinese or English. Thick, cornstarch source were poured on the Ginger Fried Rice with Fish. It tasted like chop suey! The shrimps and egg white were overcooked for the Fried Prawn with Egg White source. It's like a gel! It's gross! The HK Tourism Board should remove this branch from the recommended list.

一向有吃宵夜這個壞習慣今次為了飲碗湯叫了個花膠仔大魚頭湯。可愛魚窩造型盛着熱熱辣辣嘅靚湯。豈能抗拒. 嘩！一飲薑味十足。魚味則略嫌淡了少許。狂揾花膠仔之下吃了幾片！口感不錯。啫啫芥蘭豬頸肉好和味餸飯一流好好味！油鹽焗重皮蟹多膏又香。而蟹黃小籠包我可以說不識抬舉的完全喪失了蟹黃小籠包精髓。傷透了心的改變到如此田地。但實屬個人立場。哈哈

典型的老牌餐廳了，也是很容易被人遺忘的米其林餐廳。特意帶家人來吃海鮮大餐，提前預定倒簡單。 既然是大餐少不了龍蝦來作主菜，味道雖然沒得說，但是也沒什麼值得特別稱讚的地方。 魚翅煲的味道很鮮，不知道是不是錯覺，我並沒吃到魚翅。 鮑魚很入味，口感偏咸了些，還好影響不大。 燒鵝的味道就真的說不過去了，太過油膩，肉質也不夠鬆軟。還有甜點，味道也一般。比起別的米其林餐廳來說，真的沒什麼特色。

相約好耐冇見既舊同學，又唔知食乜好，其中一位同學話去食中餐，咁就去左太湖啦！講真，平時出去食飯，多數日、韓、泰，好少揀中餐，就係太耐冇食，所以都有少少期待，因為同學話唔錯喎。首先黎個併盆，有烤鱔、燒豬頸肉，仲有羊架添。我最like個烤鱔，肉嫩又林，個烤汁又好味，有炭燒既感覺，豬頸肉都唔差，燒到個邊好香又冇乜肥膏，至於羊架我一向少食，不過呢個我食左1小舊，好林好多汁，而且冇羶味。呢個唔知咩名堂，下面係茄子，上面係帶子，用豉汁蒸，再加1d蟹子增加鮮味同裝飾下，味道就係清清地咁冇乜特別嚕。呢碟賣相好差，係鮮腐竹煮茍紀菜，老老實實，起碼10年冇食過茍紀菜，所以覺得幾好味，有種苦苦澀澀既味，好回味啊！不過上碟衰相d啫 wakaka 其實仲有蒸蟶子架，不過唔記得影相，蟶子好新鮮好甜，又多肉，加埋d蒜蓉粉絲好味到暈。最後送左幾碗糖水，南瓜露同海底椰乜乜，我覺得好麻麻，2款都吸引唔到我，味道有d怪，特別係海底椰果碗好似溝左d油落去咁。好彩都仲有碟蛋散，我覺得好脆，連埋d椰絲糖仲香口，佢係似平時食粥加入去既脆脆質地，同我平時食既蛋散質地好唔同，好中意呢個蛋散 xddd

上次幫襯, 感覺不太良好, 這般老店, 不同於新式連鎖酒家, 有其舊一輩特色, 連侍應也是老一輩人, 唔太喜歡錢的樣子, 招呼差就預咗了. 今次不同, 與友人聚舊, 老友乃此店常客, 待遇當然不同.店長推薦支竹羊腩煲, 價格略貴, 收$180. 肯定係熟客關係, 份量也不同, 羊腩件件肥瘦適中, 大約肥佔三成, 瘦佔七成, 味道濃郁, 羊腩燉得超淋之餘, 皮又軟而彈口, 馬蹄爽口, 腐竹軟棉, 一起燉, 羊腩沒有腥臊味,燒乳鴿, 總是帶著”中山石岐”的名號, 做得不太.... , 但勝在夠熱, 哈哈... 心照.... 不如講一講友人自家製的經驗啦, 據友人自己做過最好食的方式, 首先替乳鴿抹上幼鹽, 胡椒粉, 五香粉, 風乾一會, 然後再替鴿身抹上一層淡淡的蜜糖, 油炸至九成熟, 再以熱油淋落鴿身, 至金黃色為止.熟客仔, 帶酒唔收費, 日本酒, 麥製20度, 唔甜, 友人甚喜愛, 另一枝, 混合葡萄, Grenache和 Syrah, 平價貨, 幸而不酸, 味道…. 仍有不少水果風味, 友人話, 全因為混合不均所致, 如果Grenache比Syrah多, 便會出現此狀況.

是日已吃過晚飯, 友人來電提議飲翻杯, 不選酒吧去酒家, 酒家酒吧只差一字啫, 當晚的送酒最佳之選, 並非炸物, 而是羊腩煲, 全因天氣轉冷, 各方羊腩煲重出江湖, 招牌推介, 雙冬枝竹羊腩煲, 問一問雙冬是甚麼, 是冬菇和冬筍也, 連蔥段, 腐皮, 馬蹄, 濃郁湯汁, 煲鍋上, 火力足, 再來一碟新鮮唐生菜, 羊腩切得方形, 不下十數件, 有皮有肉有骨, 交足功課, 連皮吃, 夠彈口, 腥羶味不太強, 肉質軟滑不韌, 兩支紅酒作伴, 平價貨, 新舊世界各一, 先開Wyndham Estate, Bin555, 深色, 莓果味, Shiraz風格, 口感略甜, 另一支由家中帶來, D’Arcins, Medoc 南部, 背面招紙介紹, 颜色深, 新鲜果味, 樱桃干, 松露, 香草氣味, 紧致口感, 噢… 係啩…

這個得獎菜是實至名歸的．之前吃過士多啤梨骨不算有大驚喜，反而這道菜就裊不俗了．廚師將整條牛腩入鍋油炸，再將牛腩放入蒸鍋，令牛腩外皮酥脆，裡面卻軟滑多汁，是功夫與味道的昇華！

今天是我四天假期的最後一天，我的弟弟從國外回來放假，父母建議不如去太湖海鮮酒家吃飯，所以一早已訂位，無需等候一坐下就有一碟小吃，炸菜雞腎，看起來以為很重味，反而吃下的時候甜甜的，也很爽脆叫了五種小菜，首先上的是醉鴿，酒味十分濃厚，個子也不少，不像乳鴿，但肉質鬆軟，媽媽和爸爸特別喜愛這個跟著是叉燒，樣子十分討好，半肥瘦，邊上有少少燶，甜度適中，很鬆化可口咖喱牛腩㷛有特別驚喜的地方，通常牛腩㷛用薯仔煮，正當我咬下那疑似薯仔物體時発現原來是平果，也另這道菜增加一些清新，牛腩是牛坑腩，也夠㝝豉汁㰖角蒸魚雲，我其實有些怕吃魚頭，只吃了一些肉，也不錯，不湦，父母十分喜歡這個，用汁伴飯也不錯最後是生菜頭腐鯪魚球㷛，清清地，為之前吃的濃味冲一下，不錯，不過覺得美中不足是感覺那鯪魚球似是機打的值得稱贊侍應的態度十分親切，會同你傾偈，另外一看到你碟子有東西也會很快換碟，不用客人提醒，抵讚下次也會再和家人再次惠顧