吟

Open Now

Now Closed

朋友搬左新屋去元朗，興祝佢上樓就請佢食餐好！上網見到呢間吟食燒板燒好似唔錯咁，佢都滿意就訂左位！決定食鐵板燒版本既廚師發板裝潢濃濃既日本風，座位都幾闊落！海膽拼蠔，兩樣我最中意既野，蠔肉肥美鮮甜，加埋海膽簡直人間美食，伴碟有北海道栗米，清甜爽口！隻帶子好大隻，外層煎到微脆，一邊配煙肉火腿，鮮甜既帶子加上火腿既咸香味道更上一層次！另一邊配上柚子胡椒，比火腿更濃味，柚子胡椒辣得黎幾清新，反而更加taste帶子既鮮味！龍蝦爽口彈牙，用上海膽醬汁而成，味道濃郁鮮香！不得了焦糖多士，將砂糖燒熔再粘上麵包條，會令到外層有一層脆皮，超好味，甜甜地，內裡係鬆既口感，正！吞拿魚腦天，用火槍燒香，非常嫩滑和珍貴！大大的魚頭只有小部份腦天，所以感覺超正。鵝肝多士，鵝肝好肥美又厚實，油脂豐富又邪惡，多士都好香脆，旁邊仲配有菠蘿沙冰解油膩！甜甜酸酸咁好味！鐵板燒既ending一定唔少得一碗炒飯，係牛肉炒飯，配料十分多，炒得非常惹味！朋友都覺得十分滿足！下次黎元朗探佢一定會再黎食！