大蔵季節料理 (Closed)

今次由酷愛日本菜既好姊妹帶食廚師發板, 自問對日菜認識不深, 有人帶路當然最好不過.廚師發板最大好處係唔使諗食乜, 由廚師以當日食材決定為客人準備最合時食物.見到飲品餐牌以酒居多, 未試過燒酎, 就叫咗梅酒燒酎. 梅酒燒酎比平時飲既梅酒味道比較淡, 對不勝酒量既我剛剛好.我地坐喺吧枱, 主廚先問客人有咩唔食以準備當晚食物.先上前菜, 小竹籃放上三種前菜, 鮟康魚肝味濃甘香重魚肝味, 車海老上面有類似發酵稻米之類, 食落微酸添加層次. 八爪魚山葵吸盤爽口微辣.跟著到白身魚連子鯛薄切, 主廚先由雪櫃選出整條連子鯛作介紹再薄切上枱, 連子鯛配上酸汁食清爽開胃.季節魚貝刺身先有厚切寒鰤魚, 厚切寒鰤魚外貌似油甘魚, 但比油甘魚軟諗同味重. 配上新鮮紫蘇菜可清味蕾.鰝鰺魚比寒鰤魚味更重更油脂高更肥美. 配上海草同食清爽有序.原隻赤貝肉厚有咬口, 芥末葉有微微芥末味.小食炸蓮藕好薄好似食薯片.小食冰菜清爽水珠微咸.從未食過白子, 白子係魚類精巢, 冬天就最肥美, 食味冇其他食物可以相比, 滑溜重口味好特別.跟著到熱食鹽燒寒鰤魚配蝦, 熱食寒鰤魚質感比較嚡, 同肥美刺身完全唔同, 寒鰤魚下面放上檸檬