Video
Read full review
2023-04-06
90 views
餐廳：鮨盛 (尖沙咀)地址：尖沙咀廣東道122-126號中港中心11樓疫情過後，唔少人都即刻出走返家鄉日本玩返幾日同品嚐日本料理🇯🇵，不過都有唔少人因為唔可以離開香港而被迫用其他方法懷緬日本情，講緊嘅喺去依家開到成行成市嘅壽司店食Omakase🍣尖沙咀呢間開咗大半年嘅鮨盛 @sushisakaru ，餐廳名「鮨」解作「壽司」，而「盛」即喺「豐盛」，理念喺希望每個嚟到嘅人可以品嚐到好味又豐盛嘅壽司😌有三位行内相當資深嘅師傅坐鎮👨🏻🍳，其中有兩位超過20年同一位超過10年廚師發辦嘅經驗。當中比較資深嘅兩位師傅，承傳咗有40幾年製作江戶前壽司經驗嘅日本師傅——鈴木正志(Masashi Suzuki)嘅專業手藝，當然仲有佢傳統嘅元素、嚴謹嘅職人精神、對每道菜嘅講究同認真，相信你嚟度就會感受到佢哋嘅功架同用心😎晚市有兩款Omakase套餐，分別喺$1280有16品嘅「花Hana 」，同埋$1680有19品嘅「シェンShen」，依家仲做緊晚市$1680套餐第2位半價優惠，優惠話嚟就嚟，話無就無，真喺要好好把握機會，而我今次緊喺唔執輸啦😍✝️前菜拼盤打響頭炮有4道前菜拼盤，包括放喺紫蘇葉上面、面頭放
地址：尖沙咀廣東道122-126號中港中心11樓
疫情過後，唔少人都即刻出走返家鄉日本玩返幾日同品嚐日本料理🇯🇵，不過都有唔少人因為唔可以離開香港而被迫用其他方法懷緬日本情，講緊嘅喺去依家開到成行成市嘅壽司店食Omakase🍣
尖沙咀呢間開咗大半年嘅鮨盛 @sushisakaru ，餐廳名「鮨」解作「壽司」，而「盛」即喺「豐盛」，理念喺希望每個嚟到嘅人可以品嚐到好味又豐盛嘅壽司😌
有三位行内相當資深嘅師傅坐鎮👨🏻🍳，其中有兩位超過20年同一位超過10年廚師發辦嘅經驗。當中比較資深嘅兩位師傅，承傳咗有40幾年製作江戶前壽司經驗嘅日本師傅——鈴木正志(Masashi Suzuki)嘅專業手藝，當然仲有佢傳統嘅元素、嚴謹嘅職人精神、對每道菜嘅講究同認真，相信你嚟度就會感受到佢哋嘅功架同用心😎
晚市有兩款Omakase套餐，分別喺$1280有16品嘅「花Hana 」，同埋$1680有19品嘅「シェンShen」，依家仲做緊晚市$1680套餐第2位半價優惠，優惠話嚟就嚟，話無就無，真喺要好好把握機會，而我今次緊喺唔執輸啦😍
✝️前菜拼盤
打響頭炮有4道前菜拼盤，包括放喺紫蘇葉上面、面頭放咗三文魚子同Wasabi嘅枝豆豆腐；加咗芝麻同秘製醬汁嘅雞軟骨丸；有輕輕炭燒香嘅醋麵豉鰻魚；放入金箔、酸香開胃嘅沖繩水雲
✝️日式蒸蛋
用咗北海道鱈場蟹蟹肉打成芡汁，炮製成蟹肉日式蒸蛋，普通嘅茶碗蒸蛋瞬間昇華，充滿住陣陣蟹嘅鮮香🦀
✝️乾魷魚配鱲魚魚春
兩隻乾魷魚仔先經調味醃製🦑，再用火槍炙燒，配埋菠菜同粒粒分明又粉緻、一啲腥味都無嘅當造鱲(鯛)魚魚春 ，經魚高湯慢煮再灑上食用乾花同柚子碎，賣相都幾精緻
✝️伊左目他他配北寄貝
伊左目他他本身清甜而爽口，醃製後加上芽蔥、芝麻、師傅即磨嘅Wasabi，用脆紫菜包住嚟食無得彈👍；另外仲有用七味粉網燒過嘅厚肉北寄貝
✝️北海道毛蟹配馬糞海膽
毛蟹嘅蟹肉纖細而鮮甜，配上嫩滑濃郁嘅鮮甜馬糞海膽，伴上爆汁魚子醬作為調味作用，加上紫蘇花做裝飾，三重鮮味令人難以抵擋🤤
✝️稻草煙燻鰹魚
外熟內生嘅鰹魚，用稻草煙燻過後完美咁僻除晒鰹魚嘅腥味🐟，魚皮有啲焦脆，半生熟魚肉除咗有本身嘅鮮香，仲帶有陣陣煙燻風味🔥
✝️汁煮鮟鱇魚肝
被譽為海中鵝肝，汁煮過後無晒苦澀腥味，入口有軟腍豐腴半即溶嘅口感，綿綿細膩🥰
✝️燒鱈場蟹腳
北海道嘅鱈場蟹腳，肉質鮮甜飽滿，輕輕燒過仲稍微逼出肉汁💦，灑上青檸汁同鹽就更突出鮮甜嘅海水味🌊
✝️天婦羅
天婦羅有4款：蓮藕、南瓜、獨活(即鮮當歸)同鮑魚，前兩者嘅天婦羅之前都有食過，獨活同鮑魚都喺第一次試🤓，鮑魚食落依然彈牙軟嫩，值得一讚天婦羅嘅外層薄而香脆，可口得嚟一啲都唔油膩👏
食完天婦羅就開始到壽司🍣，幾乎每日都有新鮮嘅時令海鮮到店🐟，師傅更用上日本秋田米🍚，加入赤醋整成壽司飯，希望將最出色嘅食材呈獻比大家
✝️石門鯛壽司
油膩豐富、食落爽口，另外加上柚子碎
✝️針魚壽司
魚身帶銀光嘅針魚，肉質鮮甜、晶瑩剔透，特別加咗蔥喺壽司飯入面，刺身面頭仲放上薑蓉，香味大大提升⬆️
✝️左口魚壽司
肥美滑嫩嘅左口魚，面頭放上一塊煙韌嘅炙燒左口魚邊，加上蔥同蘿蔔蓉做點綴，層次分明，炙燒香喺重點😌
✝️大尾魷壽司
大尾魷相當有咬口，用紫蘇葉壓過再加上紫蘇葉碎同薑蓉，食起上嚟有輕輕紫蘇葉香🌱
✝️金目鯛壽司
金目鯛肉質細膩，粉嫩嘅肉身帶有炙燒焦香
✝️手釣池魚壽司
手釣池魚喺日本漁夫逐條釣上嚟🎣 ，減少咗魚身破損，望落魚身會比較原整，食落更順滑爽口，面頭仲放上薑蔥蓉調味
✝️赤身壽司
醬油漬藍鰭赤身，口感比較滑身，面頭嘅芝麻，加上飯裡面隱藏住嘅紫蘇葉，食起上嚟比成日食開嘅赤身壽司更有驚喜🎉
✝️大拖羅壽司
同樣喺取自藍鰭吞拿，大拖羅比赤身有更多油脂比例，色澤更鮮嫩粉紅，綿密、入口即溶嘅口感真喺令人特別深刻難忘😝
✝️鳥貝壽司
大大塊有份量嘅烏貝，肉厚得嚟爽脆滑溜，加上青檸汁去調味，估唔到比我想像中多汁💦
✝️海膽軍艦
嚟自北海道嘅霧多布水產海膽，喺日本特有嘅一種小型海膽，鮮甜奶滑夠creamy，回甘同海水鮮香勢不可擋🤩
食完晒壽司，店完送上一碗熱辣辣嘅鯛魚白湯同甜品作結，是日甜品喺濃醇嘅抹茶雪糕配士多啤梨🍓，呢一餐真心大滿足🥰
Post
