Video
Read full review
2023-03-18
1651 views
🔅八寸料亭🔅天后🔅廚師發辦🔅尊貴嘅男友生日，佢指定要食呢間黃店omakase做生日飯慶祝～ 呢個佢多年支持，知道係黃店更加係默默留意多多幫襯～適逢佢有大優惠，我地叫左一個「魚蝦蟹盛合」（$480）同埋一人發辦（$980），奢侈而興奮！廚師發辦menu如下，拖羅真係超驚豔，樣樣都好出色好正：🐟 前菜：鮟鱇魚醬配豆腐好新鮮開胃，creamy魚醬加豆腐口感，好開胃🐟 小食：平目魚，配左大蔥同沾酒白身魚好溫和，鮮但唔搶味、好淡然，好配合做前菜🦪宮城蠔完全無海水同腥味，唔係creamy，而係有咬口，好滑～配酸甜汁好舒服🐚北寄貝 配青檸🦑 烏賊 配薑絲，好新鮮🐟吞拿魚三食，超正，超好食！分別為赤身、拖羅加鹽同埋拖羅筋炙燒赤身魚香同肉質好爽口，好重肉味～拖羅未試過咁厚切，好食，再試就算係拖羅壽司都差好遠😂係個口不停回甘，唔捨得吞落肚～第三口係拖羅筋好多根，好有咬口，熟食油脂更加香🍲柚子蒸銀鱈魚碗物兩層銀鱈魚一齊蒸，加上豆腐係底，好入味，聰明人就會食左第二層魚同豆腐，真係超入味～柚子味唔出，唔會酸，但同魚嘅咸香好吊味，豆腐好香🍣 壽司五貫紅衫魚、帆立貝、吉備耐子、松葉蟹壽司：好鮮甜，同埋魚嘅選擇幾特別
尊貴嘅男友生日，佢指定要食呢間黃店omakase做生日飯慶祝～ 呢個佢多年支持，知道係黃店更加係默默留意多多幫襯～適逢佢有大優惠，我地叫左一個「魚蝦蟹盛合」（$480）同埋一人發辦（$980），奢侈而興奮！
廚師發辦menu如下，拖羅真係超驚豔，樣樣都好出色好正：
🐟 前菜：鮟鱇魚醬配豆腐
好新鮮開胃，creamy魚醬加豆腐口感，好開胃
🐟 小食：平目魚，配左大蔥同沾酒
白身魚好溫和，鮮但唔搶味、好淡然，好配合做前菜
🦪宮城蠔
完全無海水同腥味，唔係creamy，而係有咬口，好滑～配酸甜汁好舒服
🐚北寄貝 配青檸
🦑 烏賊 配薑絲，好新鮮
🐟吞拿魚三食，超正，超好食！
分別為赤身、拖羅加鹽同埋拖羅筋炙燒
赤身魚香同肉質好爽口，好重肉味～拖羅未試過咁厚切，好食，再試就算係拖羅壽司都差好遠😂係個口不停回甘，唔捨得吞落肚～第三口係拖羅筋好多根，好有咬口，熟食油脂更加香
🍲柚子蒸銀鱈魚碗物
兩層銀鱈魚一齊蒸，加上豆腐係底，好入味，聰明人就會食左第二層魚同豆腐，真係超入味～柚子味唔出，唔會酸，但同魚嘅咸香好吊味，豆腐好香
🍣 壽司五貫
紅衫魚、帆立貝、吉備耐子、松葉蟹壽司：好鮮甜，同埋魚嘅選擇幾特別，令你試過唔同嘅魚質
海膽配蔥飯：好新鮮！好鮮甜，無任何腥味，好開心一啖啖咁享受
🍲 劍魚湯：第一次咁樣食劍魚！感覺魚味超出，魚身好似烤香先再煮，魚油好出，再配上豆腐同菌類，好暖身！
另外一個係「魚蝦蟹」盛合，一次過上晒所有小碗子，好靚好豐富！
🍱 和食：炸吞拿魚面珠墩
好香魚肉香，有烤脆邊，加上醬汁酸甜，好開胃完全唔會太油膩
🍱 松葉蟹手卷兩份，加四件壽司：分別為拖羅🤩、牡丹蝦、甘蝦、吉備奈子
吉備其實係好細細條發光魚，白身魚，有口感但唔會好油膩～蝦身鮮甜，少少章口，好甜
🍣 三文魚子丼、八寸海苔魚生飯、雪場蟹羔丼
三文魚子好新鮮完全無腥味，甚至有啲魚油炭香味，唔識形容，好甜～ 蟹羔好滿同好鮮，送飯一流～魚生飯都好好食，唔見肉質～有彈身嘅劍魚，又有三文魚～正
🍨 櫻花蝦豆腐 - 前菜類，相對比較簡單的凍豆腐～
🍲溫泉蛋配香烤鰻魚 - 已經一早切好晒一塊塊嘅鰻魚片，再加上溫泉蛋，好香好夾
🍡 甜品： 好有驚喜！係和菓子、紅豆卷物同埋水信玄紙配黑糖豆粉！男友生日仲有蠟燭，生日感滿滿！
整體黎講超高質好開心，師傅一道道上同介紹，好多見到細心設計同介紹，好滿足嘅享受！好推介生日黎慶祝💕
我地另外叫左八寸自己釀嘅清酒 ～八寸純米吟釀（$588; 720 mL) 好好飲，配魚生好爽，佢係米香唔錯又略帶果香嘅清酒，餐廳仲可以做熱版，好舒服好暖胃，我個人超愛💕💕
員工們超nice，由訂枱，到serve野，到慶生感覺都超好，好開心！超推介，依家出訂食都令件事更抵食，不過omakase真係超強～
八寸料亭
網址: https://s.openrice.com/QrbS0xUm200~uZ5MGAA
地址: 大坑蓮花街3號地下
電話: 22176077
=====================
#黃店 #黃店推介 #慶生餐廳 #慶生 #慶生黃店 #大坑黃店 #大坑美食 #大坑 #銅鑼灣美食 #銅鑼灣黃店 #日本料理 #廚師發辦 #omakase #sushi #sashimi #刺身 #壽司 #海膽 #宮城蠔 #劍魚湯 #吞拿魚 #拖羅 #hkfoodie #hkgirl #fancyfood #foodie
Post
