Video
Read full review
2023-04-25
2008 views
香港正宗葡萄牙菜唔多，大部份質素總被係澳門店舖拋離。近日朋友推介試依間，位於中環商廈上樓，裝潢葡國風嘅餐廳。門口外已有漁風裝飾、室內座位少且空間感大，令人感覺寧靜高檔。擺設舒適，充斥著海洋氣息及葡國菜風情，可以當女士日常或節日慶祝打卡之地。不過，服務態度有待改善。雖然唔係高級餐廳，但未到性價比可接受程度。食物方面 - 餐前酸種麵包︰麵包質地軟熟，外皮烘得微微脆口又唔會過硬，麵包中間帶有酸種發酵味。3款配包︰基本橄欖油；醃橄欖 (被挑選過嘅質素)，酸咸度平均，欖肉脆口唔會醃到霉晒，比大部份西餐廳提供還要高質；自家製沙律？他他醬？少許沙律油香、微咸、再加入大量好似魚蓉質地，塗滿淡口麵包食，可以感受到廚師連配包醬都講究又有誠意。炸馬介休球︰香脆外層，炸粉做得薄身，油膩感唔重。內餡填滿馬介休蓉，魚蓉比想像中醃得淡口，唔似一般馬介休嘅重鹽咸味。豐富餡料食落舒服，適合用作前菜。葡式烤乳豬︰薄薄豬皮脆到似薯片，皮下又無脂肪，加上橙片果酸減低肥膩，更開胃。香濃鮮豬肉味，被烤後仍鮮嫩多汁、骨肉分離，淋到入口即化。利刀切落去嗦嗦聲，手感已經知有幾層質地。旁邊附上一小碟長米，口感煙韌，配食可以平衡烤豬鹽咸。
不過，服務態度有待改善。雖然唔係高級餐廳，但未到性價比可接受程度。
食物方面 - 餐前酸種麵包︰
麵包質地軟熟，外皮烘得微微脆口又唔會過硬，麵包中間帶有酸種發酵味。
3款配包︰基本橄欖油；
醃橄欖 (被挑選過嘅質素)，酸咸度平均，欖肉脆口唔會醃到霉晒，比大部份西餐廳提供還要高質；
自家製沙律？他他醬？少許沙律油香、微咸、再加入大量好似魚蓉質地，塗滿淡口麵包食，可以感受到廚師連配包醬都講究又有誠意。
餐前麵包醬油
32 views
0 likes
0 comments
炸馬介休球︰
香脆外層，炸粉做得薄身，油膩感唔重。內餡填滿馬介休蓉，魚蓉比想像中醃得淡口，唔似一般馬介休嘅重鹽咸味。
豐富餡料食落舒服，適合用作前菜。
炸馬介休球
$70
20 views
0 likes
0 comments
葡式烤乳豬︰
薄薄豬皮脆到似薯片，皮下又無脂肪，加上橙片果酸減低肥膩，更開胃。
香濃鮮豬肉味，被烤後仍鮮嫩多汁、骨肉分離，淋到入口即化。利刀切落去嗦嗦聲，手感已經知有幾層質地。
旁邊附上一小碟長米，口感煙韌，配食可以平衡烤豬鹽咸。
好滿足嘅一道主菜，可惜份量偏少只有4件，以價錢計算有點拉低CP值。
葡式烤乳豬
$390
27 views
1 likes
0 comments
傳統葡萄牙白酒蒜蜆︰
丁點酒與牛油味混合，亦帶有微微葡萄果甜，突出蜆肉鮮味。
蜆肉偏大，食落爽口脆身，豐富！滿足！
傳統葡萄牙白酒蒜蜆
$148
32 views
0 likes
0 comments
香煎深海鱸魚︰
魚味濃郁，輕煎後肉質依然嫩滑、爽口彈牙，就算配白汁都無膩感。
香煎深海鱸魚
$298
15 views
0 likes
0 comments
甜品 - 紅酒煮梨︰
一大個梨份量十足，建議同朋友分享，但都未必食得晒。果香清甜，被濃濃紅酒煮至微溫，軟身程度又係近乎唔使咬。
配上香草雪糕，冰火交融。其他伴碟仲有木糠碎、草莓粒、草莓醬及薄荷葉。全部都係增加食慾，減少甜膩嘅絕配。
法式紅酒煮梨
16 views
0 likes
0 comments
總結︰
坐得舒服，氣氛唔錯，上菜速度快但未有趕客情況。
唯獨食物方面烤豬份量偏少，服務態度亦希望會改善，性價比屬中高級。
Post
