Video
Read full review
2009-06-09
4 views
次次行經IFC，經過呢間餐廳門口都會睇一睇個menu，但次次都係過門而不入，覺得在IFC又冇靚景，只為食物真係值得付出如此消費咩??今日星期六中午去到IFC，parking竟然full咗，乜依家個個都出街消費咩? 等咗十分鐘，至入得場，本來打算去Isola，但係諗起一路都想試嘅呢間意大利餐廳，不如行去睇吓今日menu先，Holiday's Special竟然係$298 for two，平日set lunch都要$200/人，對呢間餐廳嚟講，都算係海嘯價，即刻入去坐低先講。已經差不多下午兩點了，入面只有幾枱客人，比咗一張四人枱我地兩個，非常舒適，雖然冇靚海景睇，但係佈置簡單舒服，場上面有幾幅畫，仲有成幅牆咁高嘅酒架，格調高雅。一坐低，侍應已經端上menu，餐牌入面菜式不多，有啲類別甚至只係得兩款選擇，不過好多款式都有佢地推介嘅標誌，可能係貴精不貴多。今日嘅set係for兩個人，頭盤有兩款選擇、三款意粉或意大利飯、三款Pizza、甜品、咖啡或茶，另外可以加$50有house red/white wine。1. White Wine (Branciforti Grecanico 2006/
今日星期六中午去到IFC，parking竟然full咗，乜依家個個都出街消費咩? 等咗十分鐘，至入得場，本來打算去Isola，但係諗起一路都想試嘅呢間意大利餐廳，不如行去睇吓今日menu先，Holiday's Special竟然係$298 for two，平日set lunch都要$200/人，對呢間餐廳嚟講，都算係海嘯價，即刻入去坐低先講。已經差不多下午兩點了，入面只有幾枱客人，比咗一張四人枱我地兩個，非常舒適，雖然冇靚海景睇，但係佈置簡單舒服，場上面有幾幅畫，仲有成幅牆咁高嘅酒架，格調高雅。一坐低，侍應已經端上menu，餐牌入面菜式不多，有啲類別甚至只係得兩款選擇，不過好多款式都有佢地推介嘅標誌，可能係貴精不貴多。
今日嘅set係for兩個人，頭盤有兩款選擇、三款意粉或意大利飯、三款Pizza、甜品、咖啡或茶，另外可以加$50有house red/white wine。
1. White Wine (Branciforti Grecanico 2006/2007, Sicilia) - 因為menu入面用嘅white wine冇貨，唯有另外喺drink list入面揀選另一款，夠凍，容易入口，夠果香。
2. Assorted Bread - 意大利菜的指定動作，四舊切成正方體嘅麵包，非常鬆軟，但富有彈性，橄欖油同埋黑醋雖不至於百吃不厭，但係都算甘香。
3. Caesar Salad with Crispy Bacon 凱撒沙律配脆煙肉 - 蔬菜爽脆多水，加埋一塊塊大片Parmasan cheese，dressing份量啱啱好，唔會太多剩餘喺碟度，最抵死係煎得香脆嘅煙肉竟然係一整條上碟，雖然外觀美麗，但叫人地點吃呢? 畢竟有點煩，要自己動手切細嚟吃。
4. Soup of the Day (Leek & Potato Soup) - 薯仔茸非常豐富，令個湯底好甜，稀杰適中，加埋啲韮蔥絲，口感一流。
5. Risotto with Italian Sausage and Red Chicory 意大利腸紅菜燴意大利飯 - menu入面仲有兩款pasta可供選擇，雖然本人不太鍾意食意大利飯，就係因為呢點，至可以試得出師傅手勢。飯身帶爽，飯心未熟透(西方煮法)，味道最特別係加入意大利腸，腸身層衣已經剝咗，再將腸肉起出嚟做成細細舊，本身已經帶有香草，再在飯中加入香草，味道香到不得了 ; 而且個汁完全收乾，粘滿飯粒表面，每一啖入口嘅味道都咁濃郁。
6. Black Olive, San Daniele Ham and Rucola Pizza 黑水欖、聖丹尼火腿及火箭菜薄餅 - 唔知呢間嘅廚師係咪貪方便，定係佢地嘅style，今次嘅聖丹尼火腿亦都係唔分開，一堆就放在薄餅中間，連火前菜都係聚哂喺餅中間，搞到我地喺食之前要做一番功夫。不過批底非常傳統，做到又薄又脆，加埋適合香港人而唔落太多嘅蕃茄醬，大量焗至軟身嘅芝士，火腿味道偏鹹，唔係人人接受到，但就發覺今次嘅黑水欖味道就完全同其他配料混和，可能係火腿味道偏濃所致，總之感覺良好，連我呢種唔好橄欖嘅人都接受到。
7. Daily Dessert 精選甜品 (Blueberry Cheesecake 藍莓芝士蛋糕) - 碟面佈置簡潔，一件芝士餅加奇異果槳。中間唔太結實，食落應該係話係太淋身，應該可以整得硬啲、挺身啲，相信口感會好好多，芝士餅本身唔太甜，批底做得唔錯，厚度硬度適中兼夠脆，餅面嘅藍莓同醬舖上糖霜，令甜酸度平衡，這個甜品只可以話係中規中矩。
8. Coffee or Tea - 意大利咖啡，味道香濃，製作出色 ; 檸檬茶係用Twinings茶包，質素有保證。
Comments: 值得一提係佢地嘅服務尤其細心，唔會無端端騷擾你，但你食完又會好迅速地收碟，然後又會短時間後為你送上另一道菜，時間掌握得非常好。食嘢最重要係咩呢?? 當然係用最新鮮嘅材料，最佳嘅烹調技巧，不過樓面亦都好重要，廚房同樓面一定要配合，至可以將最好嘅食物喺最新鮮嘅時段端上比客人享用，客人只可以感受到食物最好味嘅一刻，呢點佢地絶對做到。
臨走時仲比咗一張coupon(上面有埋個set menu)，下次月底前嚟食晚飯可以六折嘅價錢享用佢地原價$10XX for two嘅set dinner，真係希望可以用得到。
Post
