肥高美食 (Closed)

多左機會黎佐敦一帶，原來好多野食。是日想食小炒，就黎左呢間。知道呢到d野唔係大大碟，兩個人都可以叫多幾款試下，睇見餐牌，幾多野食，名物係個沙拉汁豬寸骨，一場黎到，又試下。要埋扇貝、牛油雞翼同春卷，都應該差不多。先黎係沙拉汁豬寸骨，沙拉汁話有芒果汁一齊整，睇色水都睇得出，個汁食落偏向甜的，確係幾惹味。豬寸骨啖啖肉，不過有點韌。跟上手套方便用手拿住食，確係周到。牛油雞翼，牛油味幾重，雞翼炸得香口，還可以的。春卷，即叫即炸，熱辣辣，金黃香脆，唔會太油。蒸扇貝，蒜泥下得夠多，多到我要撥開d先吃，這味只要扇貝唔出問題，味道係可以想像得到。這裡的不錯，扇貝幾肥大新鮮。整體幾不錯，比同街的大排檔多一點點特色。