霸嗎拉麵 (金巴利道) (Under Renovation)

最近黑白大廚熱播，蒜湯拉麵一下子成為熱門料理，見到尖沙咀霸嗎拉麵都推出左個期間限定既蒜山黑蒜醬油拉麵，即刻好想試！1⃣️蒜山黑蒜醬油拉麵（$95）面頭真係佈滿蒜頭！重口味人士、平時鐘意黑蒜湯底既必選！蒜頭經過烘烤香味更加突出，融合濃厚既豚骨湯底成個感覺再昇華！2️⃣ 雞叉燒味玉辛辣雞白湯拉麵（$98）呢款雞叉燒帶皮，食落好嫩滑。湯底係辛辣，但係唔會太過濃味，帶少少刺激感但係唔會太重口味。另外仲有啲木耳、蔥，同埋我最愛既溏心蛋！3️⃣ 照燒餃子（5件）（$38）係羽根餃子既整法，面頭淋上啲照燒汁，帶少少甜味，食落餡料份量啱啱好😋4️⃣ 味筍（+$10）可以加點既配料～成碟上份量都幾多。5️⃣炙燒厚切豚肉（+$20/件）呢個勁好食🤩炙燒過後油香同肉香都出曬黎！而且肥瘦分佈完美！肥肉有但係唔會過多，而且肥瘦相間，食落真係好好食！6️⃣沙拉唐揚炸雞（+$18）加配既唐揚炸雞有兩件，外皮脆，食落中間仲有肉汁～沙拉醬同炸雞都好夾👍