牡丹庭粵菜 (Closed)

火星朋友返黎無耐，諗住同佢食返D廣東菜啦，點知諗黎諗去都諗唔到尖沙咀有乜廣東酒樓喎，反而食京川野0既就大把。行到呢條街見到富臨同牡丹庭，終於搵到喇，睇過餐牌後揀左牡丹庭。六個人星期六夜晚七點幾，竟然唔洗等位，好快就坐低點埋幾個菜喇。點左荷香蒸污漕雞、香脆炸蝦丸、漁香海鮮豆腐煲、葡汁焗四蔬、節瓜野菌什菜煲同小籠包，整體野食都OK，最好味係個葡汁焗四蔬，不過略嫌焗得唔夠，但味道好好；最唔好食係個節瓜野菌什菜煲，淡而無味。而飯後甜品有冬瓜薏米同南瓜紫米露，兩款都好好味，唔錯﹗另外最值得一提係叫左幾個飯同淨米，勁耐都唔黎，差唔多食埋D 先黎，呢方面真係唔係好得。